Eklesiasti 7:23 - Buka Blahi Ka Cheke Holo

²³ Iara ghaoghatho fakeli mala fariu riudi cheke te gnafa teke chekedi iara ra. Iara magnahaghei fara te lalase, nu nogu gaoghatho iara igne theome naba.

Eklesiasti 7:23 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:22

Neubane cheke eghu mare, “Ghehati lalase fara,” mare la meomekrohi.

Ululahu Korin 1:20

Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Eklesiasti 3:11

Uve, God neke famane lilisei fakeli gobigna lepore ka thofno narane gna na. Eghuteuna Mana jaola farirhiu ghita mala lasedi tahati glepo teke edi mana tifare, nei unha nate edi ginaure. Nu tahati theome thofno lasedi glepo igre.

Eklesiasti 7:22

Naugna kmana fata iagho jaola cheke fadiꞌadi keha naiknore.

Eklesiasti 8:17

Eghuteuna iara ne filodi gobigna lepo teke edi God igre, nu theo kaisei naikno te thofno lasedi u gaoghathodi unha te edi God ka nauthoglu igne. Neuba tahati ne fariuriu hiohiro eidi glepo igre, nu tahati theome tangomana te thofno lasedi gaoghathodi gloku te edi God igre. Eghuteuna neuba kaisei mae glalase ne chekeni ne lasedi unha te edi God ka nauthoglu igne neu, nogna cheke mana igre theome tutuani, naugna theo kaisei naikno te laseni gaoghathogna God na.

Eklesiasti 1:17

Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.