Eklesiasti 7:20 - Buka Blahi Ka Cheke Holo

²⁰ Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Eklesiasti 7:20 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.

Ululahu Kings 8:46

“Theo kaisei naikno ka nauthoglu igne te theo nakhibo gna na. Eghume kate tapla jafra nou naikno iagho re, glahu diꞌatamu iagho ka mare, lisa lao ka mae naoka are mala uludi mare, nei mala hata tei mare ka nodi kantri re, neuba ne namo, ba khaba fara Israel.

Proveb 20:9

Theome tangomana kaisei naikno te cheke eghu na, “Nagnafagu iara na klino fara ka tathagna God na. Eghuteuna iara theome eni kaisei najafra.”

Fapea Kronikols 6:36

“Theo kaisei naikno ka nauthoglu igne te snagla ka nakhibo na. Eghume kate tapla jafra ka nakhibo nou naiknore, iagho jame diꞌatamu ka mare, snakredi mae naokare mala mei uludi mare, eghuteuna hatadi mare tei ka nodi kantri mare re, neubane namo ba khaba Israel.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Nodi Khoje Hatimare Mae Jiu 143:2

Thosei fate ghau iara nou mae gloku gne, naugna theo ihei nga te doglo ka tathamu iagho na.

Thoutonu Eigna Mae Job 33:12

“Nu te ckekeni iara na, iagho jafrau, naugna nafnaknogna God na haghe salaꞌuni nafnaknogna naikno na.

Levitikas 13:39

pris na filo ka vido igne. Jame te filodi mana glafi igre vegha nu theome thofno vegha fara eghu, thora igne theo nafugna kolho, eghuteuna mae igne ba gaꞌase igne klino ka tathagu iara na.

Ululahu Samuel 20:34

Aonu mae Jonatan ne thono diꞌatagna fara ne kegra haghe ka tevo na ne jifla ne tirogna ghamu ka fapea narane gaghamu igne. Mana ne diꞌanagnafa gna fara ka puhi te cheke fadiꞌani mae Devet mae kmagna na igne.

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Nodi Khoje Hatimare Mae Jiu 14:3

Nu theo fara. Mare la snivihi ka nabrou te keli na. Mare kaisei nanaba ngala la kafe diꞌa fara tutuani. Theo kaisei naikno te eni puhi te keli na. Theo fara.