Eklesiasti 7:14 - Buka Blahi Ka Cheke Holo

¹⁴ Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Eklesiasti 7:14 ပူးပေါင်းရင်းမြစ်များ

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Eklesiasti 3:4

Narane mala tanhi nei narane mala glealeꞌa. Narane mala diꞌanagnafa nei narane mala ragi.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Profet Maeka 6:9

Ihei te lalase na mala thofno ghatho tahuni Lord, mana eha eghu mei ka tahati naiknoda Jerusalem, “Famane fanomho mei ghotilo naikno te kafe salo fodu mei ka namono igne!

Profet Jeremaea 23:20

Diꞌa tagna Lord igne ginauna theome gnafa ghilei thoke mei narane te magnahagheni mana te mala gnafadi gobigna lepore. Ka narane leghu lahu na ghotilo naikno ra ginauna lase fakelini glepo igne.”

Nodi Khoje Hatimare Mae Jiu 119:71

Thofno keli fara teke au papara iara na, mala lasedi iara nou vetula iagho re.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Profet Isaia 42:25

Mana thono diꞌatagna fara ka tahati. Naugna igne te para ghita fara mana na, nei para ghita kate magra na. Diꞌatagna mana ka tahati igne thono biꞌo fara jateula kaisei khaꞌaghi biꞌo te gnhubra fahui namono te gnafa agne Israel igre eghu. Nu neuba ngau, tahati theome hata gaoghatho ka igre mala ke tughu puhidare.

Eklesiasti 12:8

Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Diutronomi 8:5

Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.

Diutronomi 26:11

Aonu iagho nei mae Livaet nei hatimare mae phosa te au balumu iagho igre, ghotilo tangomana te ghamu gano te keli ka gaghamu igne mala glealeꞌa ka gobigna lepo Lord teke tusu ari ka ghotilo ra.

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 5:17

Nakarhagna mana leuleghu narane ka nauthoglu igne na theome keli kolho, eigna mana fogra koba, diꞌanagnafa koba, tanhi nei diꞌatagna koba eghu fabrahu.

Lamentations 3:38

God mae ihei te haghe fara igne ngala te tangomana te cheke, eghuteuna glepo te keli ba puhi biꞌo teu igre ginau thoke mei.