Eklesiasti 7:13 - Buka Blahi Ka Cheke Holo

¹³ Ghaoghatho fakeli eidi gobigna lepo teke edi God igre. Jame te eni God kaisei glepo te peko na, theo kaisei naikno na teke eni fadoglo na.

Eklesiasti 7:13 ပူးပေါင်းရင်းမြစ်များ

Eklesiasti 1:15

Unha te theome doglo na, tahati theome tangomana teke fadoglini na. Eghuteuna unha te magnahagheni tahati na tahati theome tangomana te kahani unha glepo te theome au jare na.

Thoutonu Eigna Mae Job 12:14

Jame te paꞌe soru mana kaisei glepo na, ginauna na theo kaisei naikno na teke fakegra haghe na. Eghuteuna jame te lilisei mana kaisei naikno ka suga sososlo na, ginauna na theo kaisei naikno na teke hata fajifla na.

Profet Isaia 5:12

Kate ei gaghamu na, leuleghu fata na ghotilo lalahu gita nei dram ikoi, eghuteuna ghotilo ifu babuban balu koꞌu beer mala gleale'a nomi, eghuteuna ghotilo theome tangomana te ghathodi unha teke edi Lord ka ghotilo ra.

Eklesiasti 3:11

Uve, God neke famane lilisei fakeli gobigna lepore ka thofno narane gna na. Eghuteuna Mana jaola farirhiu ghita mala lasedi tahati glepo teke edi mana tifare, nei unha nate edi ginaure. Nu tahati theome thofno lasedi glepo igre.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Profet Isaia 14:27

Lord mae ihei te au nolaghi fateote'o igne la ghathonihi unha te mala eni na, theo kaisei naikno nate fanograni mana na. Eghuteuna kate ngafa haghe mana khamegna na te mala paradi naiknore, theo kaisei naikno jaola nate fanograni mana na.

Nodi Khoje Hatimare Mae Jiu 107:43

Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Letas Teke Riso Tei Mae Pol Ka Khiloau Rom 9:19

Glahula ghusna eghu ghotilo ka iara, “Jame te eghu na, ne faꞌunha si God te fate falehedi naikno eidi nakhibodi grea? Naugna kate tapla jafra ka nakhibodi gre, mare neke eni kolho unha God te magnahagheni na.”

Letas Teke Riso Tei Mae Pol Ka Khiloau Rom 9:15

Naugna God neke cheke eghu ka mae Moses, “Iara ginauna kokhonini ihei te magnahaghei kokhonini thegu na, eghuteuna iara ginauna toghoni ihei te magnahaghei toghoni thegu na.”

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Thoutonu Eigna Mae Job 37:14

“Job, fanomho mei katha vido. Au kmu sagho mala ghathodi glepo biꞌo te edi God igre.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Thoutonu Eigna Mae Job 11:10

“Jame God mei lisei nigho ke lamna suga sosolo, eghuteuna mana fate nigho, ginauna unha nate eni iagho na?

Thoutonu Eigna Mae Job 9:12

Mana tangomana te hata kaisei glepo te magnahagheni mana na. Theo kaisei naikno tangomana te cheke eghu ka mana na, ‘Ei! Unha site eni iagho ana ia?’

Eklesiasti 8:17

Eghuteuna iara ne filodi gobigna lepo teke edi God igre, nu theo kaisei naikno te thofno lasedi u gaoghathodi unha te edi God ka nauthoglu igne. Neuba tahati ne fariuriu hiohiro eidi glepo igre, nu tahati theome tangomana te thofno lasedi gaoghathodi gloku te edi God igre. Eghuteuna neuba kaisei mae glalase ne chekeni ne lasedi unha te edi God ka nauthoglu igne neu, nogna cheke mana igre theome tutuani, naugna theo kaisei naikno te laseni gaoghathogna God na.

Luku 12:26

Te theome edi ghotilo glepo te ikodi igre na, mala unha si ghotilo te nanga nomidi fara eidi glepo te biꞌo igrea?