Eklesiasti 6:7 - Buka Blahi Ka Cheke Holo

⁷ Leuleghu narane na tahati loku mala ghamu kolho, nu gano te loku hetadi tahati igre theome naba kolho ka unha te magnahagheni tahati na.

Eklesiasti 6:7 ပူးပေါင်းရင်းမြစ်များ

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Proveb 16:26

Grofo na thoke mei ka tahati, mala tangomana tahati te loku heta na. Naugna tahati magnahaghei gano.

Matiu 6:25

Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Eklesiasti 6:3

Jame kaisei mae nakarhagna na fabrahu fara, eghuteuna mana au kmana thugna. Nu jame te theome glealeꞌa kolho mana ka nakarhagna na, ke leghu thugnare theome famane bebekuni thinigna mana na ka puhi te keli. Ka gaoghathogu iara na, nakarha igne thofno diꞌa fara salaꞌuni sua te lehe ka thiꞌagna idogna na.

Eklesiasti 5:10

Jame iagho magnahaghei sileni fara, iagho ginauna au diꞌanagnafa, naugna iagho ne theome au naba sileni. Eghuteuna jame iagho magnahaghei fara te kaisei mae dedei, iagho ginauna theome kafe hata unha te magnahagheni iagho na. Uve, nafnata puhi igne theo nafugna kolho.

Eklesiasti 6:8

Unha glepo te keli gne nate toghoni nakarhagna mae te lalase igne te mala uluni nakarhagna mae te fameomekro na? Thono theo fara! Jame kaisei mae te kuma keli fara puhigna na kate au baludi naiknore, puhigna mana te keli igne ginauna na theome toghoni mana.

Eklesiasti 1:8

Eghume, gobigna lepo igre na eghu fabrahu kolho tifa tifa. Leuleghu narane na tahati filo tathada glepo igre, eghuteuna tahati nomhidi glepo igre, nu tahati theome chekeni la nabahi teuna.

Eklesiasti 5:9

Nu neubane mae king, ba mae ihei te theome fnakno nanghagna na, tahati te gnafa na lelheghu kolho ka glose te mala hata unha te nabada na.