Eklesiasti 6:12 - Buka Blahi Ka Cheke Holo

¹² Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 6:12 ပူးပေါင်းရင်းမြစ်များ

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Thoutonu Eigna Mae Job 14:2

Mana ghosei kotu haghe jateula chechenge gaju eghu, eghuteuna jaola ghosei lehe jateula chechenge gaju eghu. Nakarhagna na ghosei dofini kolho jateula naungo gaju eghu.

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Eklesiasti 8:13

Nu naikno te diꞌa te theome ghatho tahuni God na, nakarhagna mana na ginauna theome keli, nei na theome brahu kolho eghu.”

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.

Thoutonu Eigna Mae Job 8:9

Nakarhada tahati na sokmo kolho, eghuteuna tahati theome laseni kaisei glepo. Uve, nakarhada tahati na ghosei tei salaꞌu kolho jateula naungo gaju eghu.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.

Eklesiasti 2:3

Iara fariuriu fara mala lasedi gobigna lepore, aonu iara koꞌu waen mala glealeꞌa nogu, nu neuba iara loku jateula mae te fameomekro eghu. Iara magnahaghei fara te filo glanidi gobigna lepo te keli te edi naiknore ka vido te kmoꞌei kolho te au ka nauthoglu igne.

Nodi Khoje Hatimare Mae Jiu 109:23

Iara gne jateula naungo gaju te namo salaꞌu ari te dofini fei grafira eghu kolho. Uve, iara gne jateula kaisei naꞌalo te flalo te tei ka nuri ra eghu kolho.

Nodi Khoje Hatimare Mae Jiu 102:11

Iara karhau katha vido kmoꞌei kolho, jateula naungo te namo dofini fei grafi ra eghu kolho. Uve, iara gne jateula buburu tela brangohira eghu kolho.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Thoutonu Eigna Mae Job 14:21

Neuba naikno gre ne fafnaknodi thudi mae te lehe ra, nu mana theome laseni kolho. Eghuteuna neuba mare ne famamajadi naikno igre, mana jaola theome laseni.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Nodi Khoje Hatimare Mae Jiu 47:4

Mana magnahaghei fara ghita vikegna mae Jekob na, naugna tahati nogna naikno mana. Eghuteuna vido te au teu tahati te fahaehagheni teu tahati igne, mana neke vahini mala noda tahati neku.

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.