Eklesiasti 6:11 - Buka Blahi Ka Cheke Holo

¹¹ Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.

Eklesiasti 6:11 ပူးပေါင်းရင်းမြစ်များ

Eklesiasti 4:16

Eghuteuna neuba mana ne funei frunidi kmana naikno, nu kate lehe mae king majaghani igne na, theo kaisei naikno kolho nate ghathodi nei glealeꞌadi teu unha glepo te keli teke edi kani karha teku mana ka nauthoglu igne. Igne jaola theo nafugna ka gaoghathoda tahati na jateula mae ihei te ngolho leghu ka nuri na ia eghu kolho.

Eklesiasti 5:7

Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Profet Hosia 12:1

“Gobigna lepo te edi mae Israel funu hamerane te ghilei rafi igre theo nafudi kolho. Unha te edi mare igre jateula puhi sua te fariuriu tathako nuri ia eghu kolho. Mare cheke pouporu tafri ke leghudi kheradi thedire. Mare magra nei falehedi eghu kolho kheradi thedi re. Mare lilisei vetula mala loku balugna king gna Asiria, nei eꞌei bisnis baludi maedi Ijep te nogna naoka thegna na.”

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 3:19

Nakarhagna naikno na nei nakarhagna glepo te tautagu na eghu kaisei nanaba ngala. Uve, glepo te tautagu na mala lehe, eghuteuna naikno na mala jaola lehe. Jame te eghuna, naikno na theome tangomana te chekeni ne thofno keli fara ne salaꞌuni glepo te tautagu na teuna, naugna repa mala kafe lehe kolho kate thoke mei nodi narane na. Eghume, nakarhadi phei glepo igre kafe theo nafudi kolho ka gaoghathoda tahati na.

Nodi Khoje Hatimare Mae Jiu 73:6

Naugna igne, nodi fahaehaghe mare na jateula famane chen te babaꞌo mare ka graradi na are eghu, eghuteuna puhi glalama te au ka mare na jateula pohe te pipichi mare are eghu.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 6:10

Gobigna lepo te filodi tahati gognaro igre God neke lilisei nanghadi. Eghuteuna God na neke kulu lasedihi puhida tahati naiknore. Eghume, tahati theome tangomana te fapholai balugna God mae ihei te rheta ulu ghita igne.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?