Eklesiasti 6:10 - Buka Blahi Ka Cheke Holo

¹⁰ Gobigna lepo te filodi tahati gognaro igre God neke lilisei nanghadi. Eghuteuna God na neke kulu lasedihi puhida tahati naiknore. Eghume, tahati theome tangomana te fapholai balugna God mae ihei te rheta ulu ghita igne.

Eklesiasti 6:10 ပူးပေါင်းရင်းမြစ်များ

Thoutonu Eigna Mae Job 9:32

“God na theome naikno jateula iara eghu, eghume iara theome tangomana te fapholai ka mana, eghuteuna ghepa theome tangomana te tei ka fate te mala fadoglini nomi fapholai ghepa na.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Eklesiasti 3:15

Gobigna lepo te edi gognaro igre neke edila tifa. Eghuteuna gobigna lepo nate edi ginaure jaola neke edila tifa. Naugna God magnahaghedi glepo igre teke pulo mei.

Thoutonu Eigna Mae Job 33:13

Ba, iagho cheke faparini God, naugna mana ne theome cheke tughuni nou khuru cheke na?

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Nodi Khoje Hatimare Mae Jiu 103:15

Nakarhada tahati naikno na kmoꞌe fara jateula buburu eghu, ba jateula keha nafnata sisi te kotu haghe te biꞌo ka nagare ra eghu kolho.

Jenesis 3:9

Nu Lord God ne ehani mae Adam ne cheke eghu, “Adam, iagho au aheva?”

Ululahu Korin 10:22

Ba, tahati magnahagheni Lord te diꞌatagna? Ba, tahati nheta fara uluni mana? Theo fara!

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.