Eklesiasti 5:8 - Buka Blahi Ka Cheke Holo

⁸ Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Eklesiasti 5:8 ပူးပေါင်းရင်းမြစ်များ

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Luku 1:76

Mae Sekaraea ne cheke eghu ka mae Jone, “Iagho mae thugu iara, mare ginauna na kilo nigho kaisei mae profet nogna God te au kligna. Iagho ginauna mala kulu tei ke ulugna Lord, mala tarabana nabrougna mana.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Luku 1:32

Mana ginauna na kaisei mae funei biꞌo nei mare na kiloni mana ‘Thugna God mae te nolaghi te au kligna.’ Noda Lord God ginauna na tusu ranghini mana sapegna funei na mala jateula mae ku'egna King Devet eghu.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Sekaraea 8:6

Naikno te karha teure nake pulo mei ka nodi namono re, mare na gaoghatho eghu ka nagnafadire, “Tore! Glepo igre thofno ninhigrana fara!” Nu iara Lord iara au nogu nolaghi fateote'o, eghuteuna theo kaisei glepo te ninhigrana ka iara. Igne nogu cheke iara Lord.

Profet Maeka 2:9

Ghotilo ngolhi fajifladi glehe kokoi nogu naikno iara re ka nodi namonore. Eghuteuna leuleghu fata na ghotilo jaola blau glepo teke magnahaghei tusu lao iara Lord ka thudi mare.

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Profet Emos 5:12

Iara lase ghami ghotilo, eigna kmana fata ghotilo huhughuni vetula na. Eghuteuna nakhibomi ghotilore thono kmana fara. Ghotilo hata sileni ka naikno te diꞌa puhidire, eigna te mala toghodi mare ka fate na. Eghuteuna ghotilo fakokhoanadi nei chaghidi eghu naikno te kuma re mala theome tangomana mare te chekeni unha te tutuani ka fate na.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 37:36

Aonu ka bongi igne kaisei engel nogna Lord ne mei ka vido te au teu mae soldiadi Asiria igre ne aknu falehe kaisei gobi nhana salei glima thogha ka mare. Kate dofra haghe mare hamerane boibongi na, mare ne filodi thinidi mae soldia te lehere.

Profet Isaia 10:12

Kate paradi te gnafa naikno te au ka Thogele blahi Saion nei Jerusalem, Lord ginauna parani king gna Asiria, naugna mana ne fafnaknoni thegna ne cheke fahaehaghe fara.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Profet Isaia 3:15

Theome doglo te goigonidi ghotilo nogu naikno iara igre, eghuteuna puhi te eni ghotilo igne, jateula te tapla ka phaꞌudi naikno te kuma ra eghu thofno diꞌa fara.” Igne nogna cheke Lord mae ihei te au nolaghi fateote'o.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Nodi Khoje Hatimare Mae Jiu 95:3

Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.

Nodi Khoje Hatimare Mae Jiu 83:18

Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.

Nodi Khoje Hatimare Mae Jiu 55:9

Iara filodi naikno te au ka namono biꞌo na, mare faphoaphola nei magra eghu. Lord, roꞌe noudi sagho nodi groghe te edi mae naoka are.

Ululahu Jone 3:13

Kheraguro, thosei jaglo nomi kate tirodi ghami naikno te leghuni puhigna nauthoglu igne.

Ululahu Pita 4:12

Uve kheraguro, thosei nanga nomi ka glepo te para ghami gognaro igre. Glepo igre fariuriudi kolho nomi fatutuani ghotilo re. Uve, glepo te mei ka ghotilo igre theome glepo majaghani.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Eklesiasti 5:9

Nu neubane mae king, ba mae ihei te theome fnakno nanghagna na, tahati te gnafa na lelheghu kolho ka glose te mala hata unha te nabada na.

Eklesiasti 7:7

Jame kegra haghe mae te autagna gaoghatho te keli na te chaghini keha mae na, te eghu na mana jateula mae te fameomekro eghu. Eghuteuna jame te cheke famaemahe te mala hata keha mae na, nagnafagna mana na ginauna jaola diꞌa.

Eklesiasti 8:9

Iara filodi glepo igre kate ghathodi iara unha nafnata puhi te edi naikno ka nauthoglu igne. Keha fata iara filodi mae funei te paradi nei fadiꞌadi teu naiknore.

Profet Esikiel 18:18

Nu naugna kmagna mana igne paradi koba naikno re, nei blau koba, nei edi koba glepo diꞌa re ka nogna naikno re, eghume mae kmagna mana igne ginauna mala lehe ka nakhibogna thegna re.

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Thoutonu Eigna Mae Job 24:23

Glahula God na snakredi mare mala au ka vido te keli, eghuteuna gaoghathodi mare na ne au fakeli neu eghu, nu leuleghu fata na God na filo tutu ka puhidi mare re.