Eklesiasti 5:7 - Buka Blahi Ka Cheke Holo

⁷ Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Eklesiasti 5:7 ပူးပေါင်းရင်းမြစ်များ

Matiu 12:36

Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Eklesiasti 5:3

Kate nanganou fara na, iagho ginauna filodi kmana mifi te diꞌa. Eghuteuna kate cheke te brahu na iagho ginauna na tharuma cheke jateula kaisei mae te fameomekro eghu.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Proveb 23:17

Iagho thosei goghotuni mae te diꞌa na, nu ghatho tahuni nei fafnaknoni eghu fabrahu Lord kolho.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Eklesiasti 8:13

Nu naikno te diꞌa te theome ghatho tahuni God na, nakarhagna mana na ginauna theome keli, nei na theome brahu kolho eghu.”

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Eklesiasti 8:9

Iara filodi glepo igre kate ghathodi iara unha nafnata puhi te edi naikno ka nauthoglu igne. Keha fata iara filodi mae funei te paradi nei fadiꞌadi teu naiknore.