Eklesiasti 5:5 - Buka Blahi Ka Cheke Holo

⁵ Te keli na iagho thosei eni kaisei nhaꞌa cheke, uluni te nhaꞌa cheke nu theome leghuni kolho iagho nou nhaꞌa cheke na teuna.

Eklesiasti 5:5 ပူးပေါင်းရင်းမြစ်များ

Mae Khuru 5:4

Tutuani, ame fofoli nga iagho teku na, u vido glose igne neke kulu nou ngala iagho. Eghuteuna neubane fofoli fahuihi iagho vido glose tuana, sileni tuare nou iagho kolho. Naugna unha site ghathoni iagho nafnata puhi te diꞌa ignea, ghema? Iagho theome chaghini naikno na kolho, nu iagho chaghini God!”

Proveb 20:25

Iagho kulu ghatho fakeli, eghuteuna iagho nhaꞌa cheke mala tufa glepo ka Lord. Theome keli te ghosei te nhaꞌa cheke iagho na, eghuteuna ke leghu na iagho na ghathoni fara nhaꞌa cheke igne. Te eghu iagho na, iagho ginauna goigoni nigho themu.

Diutronomi 23:22

Nu jame te theome eni ghotilo kaisei nhaꞌa cheke ka Lord na, igne theome nakhibo, keliu kolho.

Diutronomi 23:21

“Kate nhaꞌa cheke ghotilo ka Lord nomi God na, ghotilo thosei paipalighi fara te mala eni unha teke nhaꞌa chekeni ghotilo na. Lord ginauna theome ghatho ihodi nomi nhaꞌa cheke ghotilo ra, eghuteuna jame te theome edi ghotilo re, ghotilo ginauna nabami te mala au papara ka nakhibo igne.

Jajis 11:35

Kate filoni thugna na, Jefta thofno diꞌanagnafa fara ne rerheku nogna pohe na tanhi ne cheke eghu, “Thuguo, iara diꞌanagnafagu fara ka iagho! Puhi igne goigoni ghau iara fara! Naugna iara neke enihi kaisei baubahu ka Lord te theome tangomana iara te lopini!”

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Levitikas 5:4

Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.