Eklesiasti 5:16 - Buka Blahi Ka Cheke Holo

¹⁶ Tahati ginauna nake pulo sasama jateula teke karha meida ka nauthoglu igne eghu. Glepo igne theome doglo. Eghume, nogna gloku mana igne jateula mae ihei te ngolho leghu ka nuri ia eghu kolho.

Eklesiasti 5:16 ပူးပေါင်းရင်းမြစ်များ

Eklesiasti 1:3

Leuleghu narane na tahati loku heta fara, nu tahati theome hatini kaisei glepo te keli ka gloku te edi tahati igre.

Proveb 11:29

Ihei te theome reireghi fakelidi nodi glepo tharaknagnare, ginauna theo kaisei glepo nate au na. Eghuteuna ihei te theome lalase na, mana mala loku ranghini kolho mae te lalase na.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Nonomho Te Keli Teke Risoi Mae Mak 8:36

Jame kaisei naikno snori nogna fara ka gobigna lepo gna nauthoglu igne, eghuteuna nakarha na jifla kokoni mana, ba, glepo tuare na toghoni mana? Theo fara!

Profet Hosia 8:7

“Puhi te diꞌa te eni mare igne jateula kaisei nuri ikoi eghu kolho. Eghuteuna unha nate thoke mei ka puhi igne na ginauna na roꞌedi mare jateula kaisei seseuru biꞌo te mei roꞌedi namono biꞌo ra eghu. Eghuteuna mare jateula nagare wit te theome ure te theo kaisei bret te mala ima ra neu. Neuba ne ure wit, keha kantri delei nate mei te ima na.

Profet Jeremaea 2:8

Hatimare mae pris theome ghatho ghau iara. Mae te lasedi nogu farirhiu iara igre theome lase ghau iara. Hatimare mae mala baubatu igre figri tagru ghau iara. Eghuteuna hatimare mae profet igre jaola cheke fakelini nanghagna god Baal. Mare pogho soru ka mumuju god te theo nafugna igne.”

Profet Isaia 26:18

Ghehati jateula te bukla ra eghu eghuteuna ghehati figri tafri ka khabru igne nu ghehati theome fakarhini kolho kaisei glepo. Ghehati theome tangomana te fakarhini na nomi namono igne. Uve, ghehati theome tangomana te uludi nomi naoka re.

Eklesiasti 5:13

Iara filoni kaisei glepo te diꞌa fara te au ka nauthoglu igne. Kaisei mae salo fodu kmana sileni tarabana eigna nathuꞌu nauriha. Nu puhi igne goigonini kolho thegna.

Ululahu Samuel 12:21

Ghotilo thosei tufru soru ka mumujudi god te chaichaghi are. Naugna god tuare theo nafudi kolho! Eghuteuna reꞌe theome tangomana te togho ghami nei fakarhi ghami teu ghotilo na!

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.

Eklesiasti 3:9

Unha glepo te keli gne nate hata tahati ka nakmusa te edi tahati igre? Theo kolho.