Eklesiasti 5:15 - Buka Blahi Ka Cheke Holo

¹⁵ Kate karha mei ka idoda na, tahati theome hata mei baluda kaisei glepo. Eghuteuna ka gleheda na, tahati ginauna na jaola theome atha tei baluda kaisei glepo. Tutuani, neuba tahati ne loku heta ne hata kmana glepo, nu ka gleheda na, tahati na theome hata tei baluda kaisei glepo.

Eklesiasti 5:15 ပူးပေါင်းရင်းမြစ်များ

Nodi Khoje Hatimare Mae Jiu 49:17

Uve, kate lehe na mana theome tangomana te atha te tei balugna nogna glepo te kelire. Tutuani, mana jaola theome tangomana te atha te tei balugna glepo tuare lamna beku na.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Ululahu Timoti 6:7

Kate karha meida na tahati neke theome hata mei baluda kaisei glepo keli ka nauthoglu gne. Eghuteuna ka gleheda na ginauna tahati jaola theome tangomana te hata fajifla kaisei glepo keli ka nauthoglu igne.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Eklesiasti 5:14

Nu ke leghu na, nogna bisnis mana igne ginauna luvu, eghuteuna nogna sileni mana igre ginauna jaola dofidi. Aonu theo kaisei sileni nate salaꞌui maladi thugnare.

Thoutonu Eigna Mae Job 15:2

“Mae te lalase na theome fiti cheke eghu, eghuteuna mana theome toho fafodu foflogna na ka nuri kolho.

Profet Hosia 12:2

Uve, Lord na la fatenihi Juda, eghuteuna mana ginauna paradi mare eidi puhidi mare te diꞌare. Puhi te diꞌa te gnafa teke edi naiknore, mana nake tughu fapulo ka mare.