Eklesiasti 5:11 - Buka Blahi Ka Cheke Holo

¹¹ Kate kaisei mae dedei iagho na, iagho ginauna au kmana kheramu te mala toghodire. Eghume, dedei te magnahagheni fara iagho igne ginauna theome togho nigho iagho. Thono theo fara.

Eklesiasti 5:11 ပူးပေါင်းရင်းမြစ်များ

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Profet Habaku 2:13

Ghotilo naikno te tapla faparidi nei fasosolodi teu naiknodi keha kantri ra, eghuteuna paradi fara kate edi nomi glepo ghotilore teura ginauna nhako ka khaꞌaghi. Lord mae ihei te au nolaghi fateote'o igne nate eni na puhi igne!

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Jenesis 12:16

Mae king filoni Sarai ne magnahagheni fara naꞌa. Naugna igne mae king na ne keli fara ranghini mae Ebram ne tusu ranghini mana kmana sipu, buluka, dongki, kamel, nei nogna nalhaꞌu nei gaꞌase eghu mala loku.

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Eklesiasti 2:9

Iara fnakno nanghagu na heva heva, eghuteuna theo kaisei mae ka mae iheire teke kulu funei fruni ke ulugu iara agne Jerusalem te fnakno nanghadire jateula iara teuna. Eghuteuna nogu glalase iara na au fabrahu theome khoko ka iara.

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.