Eklesiasti 4:8 - Buka Blahi Ka Cheke Holo

⁸ Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 4:8 ပူးပေါင်းရင်းမြစ်များ

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Proveb 27:20

Mae ihei te khiridi thuagna nafnata lepo na, mana jateula nodi namono naikno te lehe te theome tangomana fodu ra eghu.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Eklesiasti 1:8

Eghume, gobigna lepo igre na eghu fabrahu kolho tifa tifa. Leuleghu narane na tahati filo tathada glepo igre, eghuteuna tahati nomhidi glepo igre, nu tahati theome chekeni la nabahi teuna.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Eklesiasti 1:13

Iara magnahaghei fara te lasedi unha teke edi naiknore ka nauthoglu igne. Eghuteuna unha teke filoni iara na, nakarha teke tusu mei God ka tahati igne thono tahu fara.

Profet Isaia 5:8

Kokhoni ghami fara ghotilo iheire te ghamu nhoto ra! Ghotilo magnahaghei fara te khotodi kmana suga nei kmana vido glose mala theome tangomana keha naiknore te au na, nu ghotilo themi kolho nate au jare na.

Eklesiasti 5:10

Jame iagho magnahaghei sileni fara, iagho ginauna au diꞌanagnafa, naugna iagho ne theome au naba sileni. Eghuteuna jame iagho magnahaghei fara te kaisei mae dedei, iagho ginauna theome kafe hata unha te magnahagheni iagho na. Uve, nafnata puhi igne theo nafugna kolho.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Eklesiasti 2:23

Leuleghu narane na tahati huruhanga nei diꞌanagnafa eghu ka gloku te edi tahati igre. Tahati theome thuru fakeli bongi narane na. Nafnata nakarha igne jaola theo nafugna ka gaoghathogu iara na.

Eklesiasti 2:21

Naikno na loku heta ka nogna glalase nei ka nogna gaoghatho, nu kate lehe na, mana lisei lao gobigna lepo igre ka mae ihei teke theome loku heta tagna na. Puhi igne theome doglo, nei theo nafugna eghu ka gaoghathogu iara na.

Eklesiasti 4:7

Iara jaola filoni kaisei glepo ka nakarhada tahati te theo nafugna igne.

Nodi Khoje Hatimare Mae Jiu 39:7

“Eghume, Lord, unha gne te ofoni nei rouronuni teu iara na? Iagho ngala te ofoni nei rouronuni teu iara gognaro na.

Eklesiasti 5:9

Nu neubane mae king, ba mae ihei te theome fnakno nanghagna na, tahati te gnafa na lelheghu kolho ka glose te mala hata unha te nabada na.