Eklesiasti 3:8 - Buka Blahi Ka Cheke Holo

⁸ Narane mala namha nei narane mala theome namha. Narane mala magra nei narane mala au ka pharikeli.

Eklesiasti 3:8 ပူးပေါင်းရင်းမြစ်များ

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Ululahu Kings 5:4

Nu gognarona Lord nogu God iara na toghodi keha kantri te funei frunidi iara igre mala au ka pharikeli balumi ghehati. Eghume, jare na theo kaisei naoka ba puhi biꞌo te mala goigoni ghami ghehati na.

Thakle 2:2

Iara lase ghamihi ghotilo thofno loku heta fara ranghi ghau iara nei au heta ka nomi fatutuani na eghu kolho. Iara jaola lase ghami ghotilo te theome magnahaghedi naikno te leghudi puhi te diꞌare. Eghuteuna iara lase ghami ghotilo te lasedihi iheire te chaichaghi te kilodi thedi mae khuru, nei ghotilo la glanidihi te chaichaghi kolho mare re.

Nodi Khoje Hatimare Mae Jiu 139:21

Lord God, iara tirogudi fara iheire te tirodi nigho iagho re. Uve, iara thofno tirogudi fara, naugna mare ne theome leghu nigho iagho.

Fapea Kronikols 19:2

Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!

Taetus 2:4

Naugna tuana me reꞌe tangomana te farirhiu fakelidi goro gaꞌase majaghani are mala namhadi rehati khetodi nei thudi teure.

Efesus 3:19

Iara toreni God mala fodu e salaꞌui ghotilo ka puhigna God thegna kate lase fakelini ghotilo nogna namha Kraes igne. Iara toreni igne neubane theo kaisei naikno tangomana te thofno ruruthani ba thofno lase fakelini u namha igne!

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Proveb 13:5

Mae te doglo na theome magnahaghei te edi thua nafnata cheke te chaichaghi re. Nu mae te lase chaichaghi na mana tangomana te famamaja ikno na.

Fapea Kings 9:22

Eghuteuna King Joram ne ghusna eghu ka mae Jehu, “Jehu, iagho mei ka pharikeli?” Nu mae Jehu ne cheke eghu, “Faꞌunha tangomana te au ka pharikeli na? Idomu iagho na batudi naiknore mala pogho soru ka mumuju nei loku ka naitu!”

Nodi Khoje Hatimare Mae Jiu 105:25

Lord ne faꞌeiꞌeidi naiknodi Ijep mala susukudi nogna naiknore. Mare hiro phoge te mala paradi nogna naikno mana re.