Eklesiasti 3:22 - Buka Blahi Ka Cheke Holo

²² Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Eklesiasti 3:22 ပူးပေါင်းရင်းမြစ်များ

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Matiu 6:34

Thosei nangani eigna nathuꞌu, naugna nathuꞌu na au nogna puhi ngau thegna te nabagna narane tuana.”

Profet Daniel 12:13

“Ghema Daniel, gaoghathomu iagho na mala au rheta ka God ghilei thokeni huigna naranemu na. Ka narane tuana iagho ginauna lehe, nu iagho ginauna nake karha fapulo mala hata nou taba biꞌo na ka narane leghu lahu igne.”

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Thoutonu Eigna Mae Job 14:21

Neuba naikno gre ne fafnaknodi thudi mae te lehe ra, nu mana theome laseni kolho. Eghuteuna neuba mare ne famamajadi naikno igre, mana jaola theome laseni.

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Diutronomi 12:18

Ghotilo baludi thumi nei nomi mae gloku nei vikegna mae Livae te au balumi ghotilo are eghu, ghotilo te gnafa na ginauna mala ghamu glepo blahi re ke ulugna Lord ka vido blahi teke vahini mana na. Jare ghotilo tangomana te gleꞌa ka gobigna lepo te edi ghotilo re.

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Eklesiasti 2:18

Iara tirogudi gobigna lepo te loku branadi iara ka nauthoglu igne, naugna te laseni iara na, mae na teke mei ke leghugu iara na ginauna ke khotodi gobigna lepo igre.

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.