Eklesiasti 3:21 - Buka Blahi Ka Cheke Holo

²¹ Theo kaisei naikno te thofno laseni tharunga gna naikno na nate haghe kligna na, eghuteuna tharunga gna glepo te tautagu na nate soru pari ke lamna glose teuna.

Eklesiasti 3:21 ပူးပေါင်းရင်းမြစ်များ

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Mae Khuru 1:25

nate hata sapegna mae khuru teke jifla kokoni mae Judas te tei ka vido aheva te gijagna mana na.”

Diutronomi 28:13

Lord ginauna togho ghami ghotilo mala au nolaghi ke klignadi keha kantri are, eghuteuna mana theome snakre ghami ghotilo te au ke paridi nodi nolaghi keha kantri are. Jame te thofno leghudi nei ghatho tahuni teu ghotilo vetula te tusu ari iara ka ghotilo gognaro igre na, mana ginauna togho ghami ghotilo mala au ghotilo ke klignadi keha kantri are, eghuteuna Lord na theome snakre ghami ghotilo te mala au ke paridi mare na.

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.