Eklesiasti 3:20 - Buka Blahi Ka Cheke Holo

²⁰ Naugna God neke kafe vuavuhadi ka glose, eghume, repa mala ke kafe figri ka glose.

Eklesiasti 3:20 ပူးပေါင်းရင်းမြစ်များ

Thoutonu Eigna Mae Job 34:15

tahati te gnafa ka nauthoglu igne ginauna lehe, eghuteuna tahati ginauna nake figri ka glose.”

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Eklesiasti 6:6

Neuba mae te dedei igne ne karha fabrahu nabagna kaisei thogha finogha ba phei thogha finogha, kokhoni ni fara mae te dedei igne jame te theome gleꞌadi mana glepo te keli teke tusu lao God ka mana re. Neuba, tahati te gnafa na ginauna na kafe lehe, eghuteuna kafe tei ka kaisei vido ngala.

Eklesiasti 3:21

Theo kaisei naikno te thofno laseni tharunga gna naikno na nate haghe kligna na, eghuteuna tharunga gna glepo te tautagu na nate soru pari ke lamna glose teuna.

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Thoutonu Eigna Mae Job 7:9

Kate lehe na, naikno na jateula kaisei khoveo te ghosei te tei dofini ra eghu.

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Nodi Khoje Hatimare Mae Jiu 49:14

Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Thoutonu Eigna Mae Job 17:13

Gognarona, kaisei glepo te ofoni iara na, mala lehe eghuteuna mare giugilu ghau iara lamna beku. Eghuteuna ka namono tuana, iara ginauna thuru lamna kate romno.

Naba 27:13

Kate gnafa filo iagho ka namono tuare, iagho ginauna lehe jateula mae thabusimu mae pris Eron teke lehe tifa ia eghu.

Jenesis 25:17

Mae Ismael gne neke karha neke thokeni kaisei gobi tolufulu fitu finoghagna neke lehe nga. Aonu tharungagna mana na neke tei au baludi tharungadi vikegna teke lehe tifa ra.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Thoutonu Eigna Mae Job 30:24

Jame kaisei mae diꞌa nakarhagna na, mana tanhi mei ka iara, eghuteuna iara na theome figri tagruni mana.

Nodi Khoje Hatimare Mae Jiu 103:14

God lase ghita tahati te theo noda nolaghi theda na. Eghuteuna ka gaoghathogna mana na, tahati gne khogla glose kolho. Naugna mana neke hata glose neke vuavuha ghita tahati.

Eklesiasti 7:2

Jame te tei tahati ka suga aheva te tanhi teu naiknore ka naikno tela lehehi na, igne thofno puhi keli fara salaꞌuni puhi te tei tahati ka suga aheva te ei gaghamu biꞌo na. Naugna tahati mala kafe lehe. Eghume, kate au teu tahati ka nauthoglu igne tahati mala ghaoghatho fakeli.

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.

Thoutonu Eigna Mae Job 14:14

Ba, jame te lehe naikno na, mana ginauna tangomana na teke karha fapulo na? Jame te eghu na, iara ginauna ofou ghilei thokeni narane ari te gnafadi nogu puhi biꞌo iara re.