Eklesiasti 3:19 - Buka Blahi Ka Cheke Holo

¹⁹ Nakarhagna naikno na nei nakarhagna glepo te tautagu na eghu kaisei nanaba ngala. Uve, glepo te tautagu na mala lehe, eghuteuna naikno na mala jaola lehe. Jame te eghuna, naikno na theome tangomana te chekeni ne thofno keli fara ne salaꞌuni glepo te tautagu na teuna, naugna repa mala kafe lehe kolho kate thoke mei nodi narane na. Eghume, nakarhadi phei glepo igre kafe theo nafudi kolho ka gaoghathoda tahati na.

Eklesiasti 3:19 ပူးပေါင်းရင်းမြစ်များ

Nodi Khoje Hatimare Mae Jiu 49:20

Leghu lahu na naikno na theome tangomana nate rikhani u glehe na. Uve, mana ginauna na lehe jateula bosu eghu kolho.

Eklesiasti 2:16

Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.

Eklesiasti 2:14

Mae ihei te au tagna gaoghatho te keli na, mana filo glani ne leghuni naphae na. Nu mae ihei te fameomekro na, mana leghuni kolho nabrou te romno na. Nu neuba, te laseni iara na, glehe na ginauna kafe thokedi phei mae igre.

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Naba 16:29

Jame te lehe mae igre ka thofno nodi narane na jateula keha mae ra teuna, tuana gaoghathogna te theome kuru mei ghau iara Lord na.

Eklesiasti 7:2

Jame te tei tahati ka suga aheva te tanhi teu naiknore ka naikno tela lehehi na, igne thofno puhi keli fara salaꞌuni puhi te tei tahati ka suga aheva te ei gaghamu biꞌo na. Naugna tahati mala kafe lehe. Eghume, kate au teu tahati ka nauthoglu igne tahati mala ghaoghatho fakeli.

Eklesiasti 9:2

Glepo igne kafe thoke ghita tahati hui. Ihei te doglo, nei ihei te theome doglo, ihei te keli, nei ihei te diꞌa, ihei te klino ka tathagna God, nei ihei te theome klino ka tathagna Mana, ihei te fafara, nei ihei te theome fafara. Mare kaisei nanaba ngala, naugna mare te gnafa na ginauna lehe. Aheva te thokeni naikno te keli na, naikno te diꞌa na ginauna thokeni la. Eghuteuna aheva te thokeni iheire te nhaꞌa cheke ra theome jafra ka iheire te tirodi nhaꞌa cheke ra.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Nodi Khoje Hatimare Mae Jiu 49:13

Filo si ghotilo, igne unha nate eni ka ihei te ghatho tahuni kolho thegna baludi glepo te khotodi mana re, nei jaola thokeni mae ihei te leghuni nafnata naikno igne.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 1:17

Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.