Eklesiasti 2:22 - Buka Blahi Ka Cheke Holo

²² Ka nakarhada na tahati loku heta koba balu huruhanga, nu unha nate hata tahati ka nakmusa biꞌo igre? Theo kolho!

Eklesiasti 2:22 ပူးပေါင်းရင်းမြစ်များ

Eklesiasti 1:3

Leuleghu narane na tahati loku heta fara, nu tahati theome hatini kaisei glepo te keli ka gloku te edi tahati igre.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Ululahu Timoti 6:8

Eghume tahati nabada na gleale'a kolho jame te au gheda gano ba noda pohe na.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Matiu 6:34

Thosei nangani eigna nathuꞌu, naugna nathuꞌu na au nogna puhi ngau thegna te nabagna narane tuana.”

Eklesiasti 4:6

Nu te keli na, tahati loku kakatha kolho mala hata katha glepo ikoi kolho, salaꞌuni te hata glepo kmana tahati na, na eghunu kmusa kolho tahati jateula mae ihei te ngolho leghu kokho ka nuri na ia eghu kolho.

Eklesiasti 3:9

Unha glepo te keli gne nate hata tahati ka nakmusa te edi tahati igre? Theo kolho.

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Matiu 6:11

Tusu mei ranghi ghami gano te nabagna narane igne.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Eklesiasti 5:17

Nakarhagna mana leuleghu narane ka nauthoglu igne na theome keli kolho, eigna mana fogra koba, diꞌanagnafa koba, tanhi nei diꞌatagna koba eghu fabrahu.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Luku 12:29

Thosei nanga nomi fara nei ghathoni fabrahu eghu eigna unha nate ghamu ghotilo na, ba unha nate koꞌu ghotilo na.

Luku 12:22

Mae Jisas ne cheke eghu ka nogna mae fanomhore, “Eghume, te chekeni iara ka ghotilo na, thosei nanga nomi eigna gano te mala ima te mala karha teuna. Ba eigna pohe te mala pipichi ghotilo ka thinimi are.

Matiu 6:25

Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Proveb 16:26

Grofo na thoke mei ka tahati, mala tangomana tahati te loku heta na. Naugna tahati magnahaghei gano.

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.