Eklesiasti 2:18 - Buka Blahi Ka Cheke Holo

¹⁸ Iara tirogudi gobigna lepo te loku branadi iara ka nauthoglu igne, naugna te laseni iara na, mae na teke mei ke leghugu iara na ginauna ke khotodi gobigna lepo igre.

Eklesiasti 2:18 ပူးပေါင်းရင်းမြစ်များ

Nodi Khoje Hatimare Mae Jiu 49:10

Uve, te laseni tahati na mae te lalase na, mana na lehela jateula mae te theome lalase nei mae te fameomekro teugre eghu. Mana ginauna lisei faleghu nogna silenire eghuteuna keha naiknoi na teke khotodire.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Ululahu Korin 3:10

God neke tusu ranghi ghau iara khokofakasai te mala babana suga na. Iara lilisei kmana thina mala famamhakugna suga tuana jateula kaisei mae te lase horo suga fara eghu. Keha mae re gognaro na mala babana ke klignadi thina tuare. Nu te chekeni iara ka ghotilo na, mae te gnafare filo fakelini babana gna na!

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 4:3

Nu mare keli fara salaꞌudi iheire te theome karha mei nga teu ka nauthoglu igne, naugna mare theome lasedi glepo te diꞌa te edi naiknogna nauthoglu igne.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Eklesiasti 1:13

Iara magnahaghei fara te lasedi unha teke edi naiknore ka nauthoglu igne. Eghuteuna unha teke filoni iara na, nakarha teke tusu mei God ka tahati igne thono tahu fara.

Eklesiasti 1:3

Leuleghu narane na tahati loku heta fara, nu tahati theome hatini kaisei glepo te keli ka gloku te edi tahati igre.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.

Eklesiasti 2:21

Naikno na loku heta ka nogna glalase nei ka nogna gaoghatho, nu kate lehe na, mana lisei lao gobigna lepo igre ka mae ihei teke theome loku heta tagna na. Puhi igne theome doglo, nei theo nafugna eghu ka gaoghathogu iara na.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.