Eklesiasti 2:15 - Buka Blahi Ka Cheke Holo

¹⁵ Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 2:15 ပူးပေါင်းရင်းမြစ်များ

Eklesiasti 6:8

Unha glepo te keli gne nate toghoni nakarhagna mae te lalase igne te mala uluni nakarhagna mae te fameomekro na? Thono theo fara! Jame kaisei mae te kuma keli fara puhigna na kate au baludi naiknore, puhigna mana te keli igne ginauna na theome toghoni mana.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 2:16

Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.

Eklesiasti 1:18

Naugna, kate lalase te salaꞌui na, naikno na jaola nanga nogna fara, eghuteuna kate lalase te salaꞌui na, mana na jaola diꞌanagnafa fabrahu.

Eklesiasti 1:16

Igne unha te ghathoni iara na, “Iara kaisei mae biꞌohi, eghuteuna iara lalase fara salaꞌudi hatimare mae king teke kulu funei fruni agne Jerusalem tifa ra. Eghuteuna iara thofno lase fakelini puhigna mae ihei te au tagna gaoghatho te keli na.”

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.