Eklesiasti 2:10 - Buka Blahi Ka Cheke Holo

¹⁰ Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Eklesiasti 2:10 ပူးပေါင်းရင်းမြစ်များ

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Nodi Khoje Hatimare Mae Jiu 119:37

Togho ghau iara sagho mala leghuni iara puhimu iagho te keli na, mala theome leghudi iara puhi te diꞌare.

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Eklesiasti 2:22

Ka nakarhada na tahati loku heta koba balu huruhanga, nu unha nate hata tahati ka nakmusa biꞌo igre? Theo kolho!

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Jajis 14:2

Kate pulo ka namono na, mana ne cheke eghu ka kmagna ghe idogna, “Iara magnahaghei ghami ghopa te tei toreni kaisei gaꞌasegna Filistia te au ka namono Timna teke filoni iara na, naugna iara magnahaghei te tolaghi ka naꞌa.”

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Eklesiasti 5:10

Jame iagho magnahaghei sileni fara, iagho ginauna au diꞌanagnafa, naugna iagho ne theome au naba sileni. Eghuteuna jame iagho magnahaghei fara te kaisei mae dedei, iagho ginauna theome kafe hata unha te magnahagheni iagho na. Uve, nafnata puhi igne theo nafugna kolho.

Eklesiasti 6:2

God na toghoni naikno na mala dedei, mala fnakno, nei mala au nogna kmana glepo. Mana mala au nogna gobigna lepo te magnahaghedi manare. Nu neuba, ke leghu na God ginauna na theome snakreni mana te glealeꞌa ka glepo igre. Eghuteuna kaisei mae phosa kolho nate mei te hata gobigna lepo igre te mala glealeꞌa nogna na. Puhi igne thofno diꞌa fara nei theo nafugna eghu kolho.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.

Eklesiasti 2:1

Iara cheke eghu ka nagnafagu thegu na, “Iara ginauna fariu riudi gobigna lepo te keli igre mala laseni unha nate glealeꞌani iara na.” Nu puhi igne jaola theo nafugna kolho.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Eklesiasti 5:17

Nakarhagna mana leuleghu narane ka nauthoglu igne na theome keli kolho, eigna mana fogra koba, diꞌanagnafa koba, tanhi nei diꞌatagna koba eghu fabrahu.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.