Eklesiasti 12:8 - Buka Blahi Ka Cheke Holo

⁸ Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”

Eklesiasti 12:8 ပူးပေါင်းရင်းမြစ်များ

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Eklesiasti 8:8

Ka narane glehe na tharungada tahati na magnahaghei te tei kokoni thinida tahati na, eghuteuna tahati theome naba te lothini na. Eghuteuna tahati theome naba te tughu naranegna glehe na. Ka narane te magra na, hatimare mae ofisa theome tangomana te snakredi mae soldiare te tei kokoni magra na teke pulo ka namono na. Jateula tuana eghu ihei te leghuni puhi te diꞌa na, mana na theome tangomana te lisa kokoni puhi te diꞌa igne te mala fakarhani thegna na.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Eklesiasti 2:17

Eghume, iara tiroguni nakarhagu na. Gobigna lepo fateote'o te loku hetadi iara ka nauthoglu igne hata mei puhi biꞌo ka nakarhagu iara na. Nakarha igne theo nafugna kolho. Khogla jateula mae te ngolho leghu ka nuri na ia eghu kolho.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Eklesiasti 1:1

Cheke te au ka buka na igre nogna cheke mae glalase. Mae glalase igne neke thugna King Devet, eghuteuna mana tifa na neke king ka namono biꞌo Jerusalem.

Eklesiasti 1:12

Iara kaisei mae glalase, eghuteuna iara king gna Israel, iara au ka namono biꞌo Jerusalem.

Eklesiasti 1:17

Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.