Eklesiasti 12:14 - Buka Blahi Ka Cheke Holo

¹⁴ Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Eklesiasti 12:14 ပူးပေါင်းရင်းမြစ်များ

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Matiu 12:36

Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Matiu 10:26

“Thosei mhaghudi naikno re, naugna gobigna lepo te edi poru ba cheke poru mare re, ginauna nake thakleu.

Jone 5:29

Aonu mare ginauna kafe jifla mei ka bekudire. Iheire teke edi koba gloku te keli tifa re mare ginauna karha fabrahu. Nu iheire teke edi koba glepo te diꞌare mare ginauna au papara fabrahu.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 3:17

Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”

Thoutonu Eigna Mae Job 19:29

Nu ghotilo mhaghuni naꞌau papara na. Kate diꞌatagna God na mana ginauna paradi naikno te diꞌa re, eghuteuna ghotilo ginauna laseni God nate fate ghami ghotilo na.”

Nodi Khoje Hatimare Mae Jiu 90:8

Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!