Eklesiasti 12:13 - Buka Blahi Ka Cheke Holo

¹³ Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 12:13 ပူးပေါင်းရင်းမြစ်များ

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Eklesiasti 5:7

Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Proveb 23:17

Iagho thosei goghotuni mae te diꞌa na, nu ghatho tahuni nei fafnaknoni eghu fabrahu Lord kolho.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 2:3

Iara fariuriu fara mala lasedi gobigna lepore, aonu iara koꞌu waen mala glealeꞌa nogu, nu neuba iara loku jateula mae te fameomekro eghu. Iara magnahaghei fara te filo glanidi gobigna lepo te keli te edi naiknore ka vido te kmoꞌei kolho te au ka nauthoglu igne.

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Eklesiasti 8:5

Ihei te leghuni nogna cheke king na, king ginauna na theome eni kaisei puhi te diꞌa ranghini mana, eghuteuna mae ihei te autagna gaoghatho te keli na laseni thofno narane te mala fadoglidi glepo igre.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Ululahu Kings 2:3

Eghuteuna iagho mala eni unha te chekeni nou Lord God na. Iagho leghudi nogna vetula nei nogna cheke teu mana te rioriso soru ka nogna buka mae Moses ra. Jame te edi iagho glepo igre na, neuba iagho ne tei au delei, nou gloku iaghore ginauna thofno keli fara.