Eklesiasti 12:11 - Buka Blahi Ka Cheke Holo

¹¹ Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Eklesiasti 12:11 ပူးပေါင်းရင်းမြစ်များ

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Profet Jeremaea 23:29

Chekegu iara na jateula khaꞌaghi nei jateula hama biꞌo te mala tuge thina biꞌo te nghuja ra eghu.

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Proveb 22:17

Famane fanomho fakeli ka nodi cheke mae ihei te autagna gaoghatho te keli nei lalase teu igne. Ghaoghatho ka glepo te farirhiu iara igre.

Proveb 1:6

Te lase fakelidi tahati gaoghathodi famane cheke igre na, tahati ginauna tangomana te lasedi nogna cheke mae te lalase na.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Profet Isaia 22:23

Iara ginauna toghoni mana mala au famaku ka nogna gloku na, jateula thagho te chakhi te maku ka gringnigna suga na ia eghu. Eghuteuna naugna te hata mana nafnakno biꞌo igne, vikegna manare ginauna jaola hata nafnakno biꞌo.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 23:1

Lord na reireghi fakeli ghau iara jateula kaisei nogna sipu eghu. Eghume iara theome kmoꞌe kaisei glepo.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Esra 9:8

“Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.

Jenesis 49:24

Nu mare ginauna na theome falehe nigho iagho eghu, naugna iagho jateula kaisei mae nheta te lase fada te theome faboblogo nogna phaloho na ia eghu. Naugna God mae ihei te pogho soruni iara igne ngala, mana nate togho nigho iagho na. Mana ngala mae ihei te nolaghi fara ke uludi naikno te gnafare.

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Eklesiasti 10:12

Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.