Eklesiasti 12:10 - Buka Blahi Ka Cheke Holo

¹⁰ Mana neke fariuriu hirodi cheke te mamahe nei doglo teu ka khulidi naiknore igre neke rioriso soru ka buka. Glepo teke rioriso soru mana ka buka na igre thofno tutuani fara neuba kehare ne magnahaghei te nomhidi eghuteuna kehare thirodi nomhidi neu.

Eklesiasti 12:10 ပူးပေါင်းရင်းမြစ်များ

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Proveb 15:26

Lord na theome magnahagheni gaoghatho te diꞌa na. Nu cheke te keli na, gae ka tathagna mana na.

Eklesiasti 1:1

Cheke te au ka buka na igre nogna cheke mae glalase. Mae glalase igne neke thugna King Devet, eghuteuna mana tifa na neke king ka namono biꞌo Jerusalem.

Jone 3:11

Tutuani fara te chekeni iara ka iagho na. Ghehati cheke eidi unha glepo te thofno lasedi nei cheke eidi unha glepo teke filodi kau tathamire. Nu ghotilo theome fatutuanidi unha te chekedi ghehati re.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Eklesiasti 1:12

Iara kaisei mae glalase, eghuteuna iara king gna Israel, iara au ka namono biꞌo Jerusalem.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.