Eklesiasti 11:9 - Buka Blahi Ka Cheke Holo

⁹ Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 11:9 ပူးပေါင်းရင်းမြစ်များ

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Lamentations 3:27

Te keli na tahati jame hata farirhiu ka mana kani majaghaniu.

Eklesiasti 3:17

Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Thoutonu Eigna Mae Job 31:7

Jame te lisani iara puhigna God te keli na, ba jame te leghuni kolho iara unha te filoni iara na, ba khamegu iara na batu ghau iara ka nakhibo,

Letas Teke Riso Tei Mae Pol Ka Khiloau Rom 14:10

Eghume, theo kaisei nolaghi te mala fateni thabusida ka khiloau gne. Ba, naugna unha sagho te filo faparini mana gnea? Tahati te gnafa na ginauna kegra ke ulugna God, eghuteuna God ginauna fate ghita tahati hui.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Eklesiasti 2:10

Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Profet Jeremaea 23:17

Mae igre cheke famaemahe eghu koba ka iheire te tirodi ghau iara re, ‘Ghotilo ginauna au ka pharikeli.’ Eghuteuna iheire te maku jateula thina teu phaꞌudire igre, mare leghuni kolho nodi gaoghatho thedi re cheke eghu, ‘Theo kaisei puhi biꞌo nate thoke ghita tahati na.’ ”

Profet Jeremaea 7:24

Nu mare maku fara phaꞌudire ne leghudi kolho nodi gaoghatho thedi te diꞌare. Mare tirodi fanomho mei ka iara mala leghu ghau iara.

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Diutronomi 29:19

“Iheire teke nomhini eigna nhaꞌa cheke igne, nu mana patu gama fara nei leghuni kolho fabrahu puhigna thegna na. Eghume puhi biꞌo igne ginauna goigonini mana nei naikno te gnafa Israel neubane naikno keli ba diꞌa, mare ginauna kafe lehe hui.

Naba 15:39

Gnarho kmo'e te susuki fodu mare igre mala fagaglana gna nogu cheke iara na. Eghuteuna kate filodi mare gnarho kmo'e igre, mare ginau ke ghathodi nogu farirhiu iara re nei leghudi eghu. Ka puhi igne mare ginauna theome tangomana te leghudi nodi gaoghatho thedire, nei mare ginauna theome tangomana te leghudi unha te magnahaghei mare na.

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Mae Khuru 14:16

Tifa te mei na God neke snakredi naiknore mala leghudi nodi gaoghatho thedire.

Ululahu Kings 22:15

Aonu mana mei ne kegra ke ulugna King Ehab, eghuteuna Ehab ne ghusna eghu ka mana, “Profet Maekaea. Jame tei te magra ghepa King Jehosafat ka king gna Siria jare Ramot-Gilead na, ghepa ginauna uluni magra igne, ba theo?” Eghuteuna mae Maekaea ne cheke eghu ka mana, “Iagho tei magra ka king gna Siria jare Ramot-Gilead, Lord ginauna togho nigho iagho mala ke hata fapulo iagho namono tuana.”

Ululahu Kings 18:27

Farihotei aublatha, mae Elija ne funu maꞌedi mare ne cheke eghu, “Eha fabiꞌo si ghotilo! Tutuani, mana kaisei god! Jau mana gnafau. Jau mana au ka suga ikoi. Jau mana tei au delei! Jau mana thuru ihou, eghume ghotilo tei mala fadofrani mana!”

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Naba 22:32

Aonu engel na ne cheke eghu ka mae Balam, “Ne unha site thilo fata purini iagho nou dongki gnea? Iara ngala teke kegra ka nabrou ia teke fanogra nigho iagho ia, naugna jafra fara unha te eni iagho ka iara ia.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Eklesiasti 3:12

Te laseni iara na kaisei glepo ngala te ulu fara te mala eni tahati na: Tahati mala glealeꞌa nei mala edi eghu glepo te kelire kate au teu tahati ka nauthoglu igne.