Eklesiasti 11:8 - Buka Blahi Ka Cheke Holo

⁸ Tahati mala glealeꞌa ka finogha te au teu tahati ka nauthoglu igne. Neuba tahati ne au kmana finogha, tahati theome tangomana te ghatho ihoni glepo igne: tahati ginauna au kmana finogha ka namonodi mae tela lehehi ra. Glepo nate thoke mei ke leghu re, igre theo nafudi kolho.

Eklesiasti 11:8 ပူးပေါင်းရင်းမြစ်များ

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Diutronomi 32:29

Jame kaisei ka ghotilo te lalase na, mana tangomana jame te ghathodi gobigna lepo tela thoke meihi igre, eghuteuna mana jame jaola lasedi unha nate thoke mei ginauna igre.

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Letas Teke Rioriso Mae Jud 1:18

Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.

Matiu 22:13

“Mae funei na ne cheke eghu ka keha mae glokure, ‘Haru fodu khamegna ghahegna teu mae igne mala koko fakosi ka vido te romno ana. Ka vido tuana naiknore ginauna tanhi nei diꞌanagnafa fara eghu balu khabru biꞌo.’ ”

Eklesiasti 6:6

Neuba mae te dedei igne ne karha fabrahu nabagna kaisei thogha finogha ba phei thogha finogha, kokhoni ni fara mae te dedei igne jame te theome gleꞌadi mana glepo te keli teke tusu lao God ka mana re. Neuba, tahati te gnafa na ginauna na kafe lehe, eghuteuna kafe tei ka kaisei vido ngala.

Eklesiasti 4:16

Eghuteuna neuba mana ne funei frunidi kmana naikno, nu kate lehe mae king majaghani igne na, theo kaisei naikno kolho nate ghathodi nei glealeꞌadi teu unha glepo te keli teke edi kani karha teku mana ka nauthoglu igne. Igne jaola theo nafugna ka gaoghathoda tahati na jateula mae ihei te ngolho leghu ka nuri na ia eghu kolho.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.

Eklesiasti 2:17

Eghume, iara tiroguni nakarhagu na. Gobigna lepo fateote'o te loku hetadi iara ka nauthoglu igne hata mei puhi biꞌo ka nakarhagu iara na. Nakarha igne theo nafugna kolho. Khogla jateula mae te ngolho leghu ka nuri na ia eghu kolho.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Thoutonu Eigna Mae Job 18:18

God ginauna hata fadeleini mana ka nauthoglu te phae igne, mala tei mana ka vido aheva te romno na.

Thoutonu Eigna Mae Job 15:23

Mana tei tafri hiro gano. Eghuteuna mana lasenihi te puhi biꞌo igne namo thokeni mana.

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.

Thoutonu Eigna Mae Job 10:22

Namono igne romno jateula farihotei bongiro eghu, eghuteuna theo kaisei glepo te doglo tagna. Ka namono igne, theo kaisei naphae tagna, naugna naphae igne romno jateula fari hotei bongiro eghu kolho.”

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Eklesiasti 11:2

Eghume, iagho mala lilisei nou silenire ka fitui ba nhanai bisnis, naugna iagho theome laseni unha nafnata hoholo biꞌo nate thoke mei ka nauthoglu igne.

Thoutonu Eigna Mae Job 10:21

Iara la namo teihi, eghuteuna iara ginauna nake theome ke pulo mei. Iara ginauna na tei ka vido te romno, aheva te theo kaisei naphae tagna.

Thoutonu Eigna Mae Job 14:12

kate lehe na naikno na theome tangomana na teke kegra haghe na. Uve, jame te lehe na mana theome tangomana na teke dofra haghe na ghilei thokeni narane nate dofini maloa gne.

Nodi Khoje Hatimare Mae Jiu 49:20

Leghu lahu na naikno na theome tangomana nate rikhani u glehe na. Uve, mana ginauna na lehe jateula bosu eghu kolho.