Eklesiasti 11:10 - Buka Blahi Ka Cheke Holo

¹⁰ Nomi narane te mala majaghani teu ghotilo na theome brahu. Jateula glepo te theo nafudi ra eghu kolho. Eghume ghotilo thosei nanga nomi ka puhi biꞌo nate thoke ghami ghotilo are. Eghuteuna ghotilo thosei leghudi puhi nate fakabrudi thinimi are.

Eklesiasti 11:10 ပူးပေါင်းရင်းမြစ်များ

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Thoutonu Eigna Mae Job 13:26

Iagho jateula mae ihei te rioriso soru glepo te diꞌa eigu iara ra eghu. Iagho jau para ghau iara eidi glepo teke edi iara kani mae majaghanigu teku iara ra.

Nodi Khoje Hatimare Mae Jiu 25:7

Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Thoutonu Eigna Mae Job 11:12

Naikno te theo kaisei glalase ka phaꞌugna na, mana theome tangomana te leghuni puhi te lalase na. Kaisei nanaba ka puhigna dongki te theome tangomana te karha thugna naikno!

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.