Eklesiasti 10:15 - Buka Blahi Ka Cheke Holo

¹⁵ Mae te theome autagna gaoghatho te keli na, mana theome deni nabrou te mala tei ka nogna suga na, nafnata mae igne ginauna fiti kmusa kolho ka unha te eni mana na.

Eklesiasti 10:15 ပူးပေါင်းရင်းမြစ်များ

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Eklesiasti 10:3

Kate tei mae te fameomekro igne ka nabrou na, naiknore filo glani puhigna mana na, mae igne theo kaisei gaoghatho te keli ka mana.

Nodi Khoje Hatimare Mae Jiu 107:7

Mana neke baubatudi neke tei ka kaisei nabrou te doglo, neke ghilei tei posa ka kaisei namono biꞌo aheva te mala au fakeli mare tagna na.

Nodi Khoje Hatimare Mae Jiu 107:4

Keha ka tahati tei tafri ka namono nagou te theo nabrougna na, eghuteuna mare theome tangomana te filo deni kaisei namono biꞌo te mala au tagna na.

Profet Habaku 2:6

Nu naiknodi kantri te gnafa teke uludi mae Babilonia ka magra na igre, mare ginauna cheke faparini nei na theome ghatho tahuni eghu kantri Babilonia. Naiknore ginauna cheke eghu: “Kokhoni ghami fara ghotilo iheire te hata kmana glepo teke theome nomi ghotilo ra. Niha fata huhurudi keha naiknore mala tusu ari sileni biꞌo mala dedei nomi fara si ghotilo ia?

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Eklesiasti 10:10

Jame te theome jaha fafnonu iagho nou nhirama na, iagho ginauna kmusa kate kato tagna. Eghume iagho ghaoghatho fakeli mala bligi ranghi nigho nou gloku na.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 10:16

Jame king gna kaisei kantri mae majaghani fara, eghuteuna mae mala baubatu gna kantri igne ei gaghamu leuleghu narane, eghume puhi biꞌo ginauna thoke mei ka kantri igne.