Eklesiasti 10:14 - Buka Blahi Ka Cheke Holo

¹⁴ Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 10:14 ပူးပေါင်းရင်းမြစ်များ

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 5:3

Kate nanganou fara na, iagho ginauna filodi kmana mifi te diꞌa. Eghuteuna kate cheke te brahu na iagho ginauna na tharuma cheke jateula kaisei mae te fameomekro eghu.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Thoutonu Eigna Mae Job 35:16

Job, nou cheke iagho igre theo nafudi kolho, iagho cheke jateula kaisei mae te fameomekro eghu.”

Thoutonu Eigna Mae Job 34:37

Puhi te cheke fadiꞌani mana God igne, mala pagu biꞌo kolho nakhibogna re. Mana goigoni ghami ghehati proaprosa khamegna re, eghuteuna mana jaola khuru cheke ranghini God.”

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Eklesiasti 9:1

Iara neke famane ghaoghatho fakeli eidi glepo igre. Eghuteuna iara lasenihi mae ihei te autagna gaoghatho te keli nei gaoghatho te doglo teu baludi nogna gloku fateote'o na, igre au ka khamegna God. Nu theo kaisei naikno te laseni God na te namhadi ba nate theome magnahaghedi thogheiro na.

Eklesiasti 10:15

Mae te theome autagna gaoghatho te keli na, mana theome deni nabrou te mala tei ka nogna suga na, nafnata mae igne ginauna fiti kmusa kolho ka unha te eni mana na.

Profet Esikiel 35:13

Iara neke nomhidi ngala kani teke cheke fahaehaghe nei cheke fadiꞌa ghau iara teu ghotilo ra.