Eklesiasti 1:3 - Buka Blahi Ka Cheke Holo

³ Leuleghu narane na tahati loku heta fara, nu tahati theome hatini kaisei glepo te keli ka gloku te edi tahati igre.

Eklesiasti 1:3 ပူးပေါင်းရင်းမြစ်များ

Eklesiasti 3:9

Unha glepo te keli gne nate hata tahati ka nakmusa te edi tahati igre? Theo kolho.

Eklesiasti 5:16

Tahati ginauna nake pulo sasama jateula teke karha meida ka nauthoglu igne eghu. Glepo igne theome doglo. Eghume, nogna gloku mana igne jateula mae ihei te ngolho leghu ka nuri ia eghu kolho.

Eklesiasti 2:22

Ka nakarhada na tahati loku heta koba balu huruhanga, nu unha nate hata tahati ka nakmusa biꞌo igre? Theo kolho!

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.

Profet Habaku 2:13

Ghotilo naikno te tapla faparidi nei fasosolodi teu naiknodi keha kantri ra, eghuteuna paradi fara kate edi nomi glepo ghotilore teura ginauna nhako ka khaꞌaghi. Lord mae ihei te au nolaghi fateote'o igne nate eni na puhi igne!

Eklesiasti 9:13

Iara jaola filoni kaisei glepo ka nauthoglu igne: igne kaisei thotoghale eigna puhigna ihei te autagna gaoghatho te keli na.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Eklesiasti 7:11

Gaoghatho te keli nei sileni eghu teke hata kasa iagho ka mae kmamu na tangomana te togho ka nakarhamu na.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 4:3

Nu mare keli fara salaꞌudi iheire te theome karha mei nga teu ka nauthoglu igne, naugna mare theome lasedi glepo te diꞌa te edi naiknogna nauthoglu igne.

Profet Habaku 2:18

Theo kaisei glepo te keli nate togho ghami ghotilo ka mumuju god te tarai ghotilo tadi teke sari kolho ka gaju ba thina igre. Thono theo fara. Mumuju igre chaichaghi ghami ghotilo. Ihei te sari mumuju igre, mana fatutuanidi kolho glepo teke sari thegna re. Nu mumuju igre theome tangomana te cheke na!

Eklesiasti 4:7

Iara jaola filoni kaisei glepo ka nakarhada tahati te theo nafugna igne.

Eklesiasti 2:18

Iara tirogudi gobigna lepo te loku branadi iara ka nauthoglu igne, naugna te laseni iara na, mae na teke mei ke leghugu iara na ginauna ke khotodi gobigna lepo igre.