Eklesiasti 1:17 - Buka Blahi Ka Cheke Holo

¹⁷ Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.

Eklesiasti 1:17 ပူးပေါင်းရင်းမြစ်များ

Eklesiasti 2:3

Iara fariuriu fara mala lasedi gobigna lepore, aonu iara koꞌu waen mala glealeꞌa nogu, nu neuba iara loku jateula mae te fameomekro eghu. Iara magnahaghei fara te filo glanidi gobigna lepo te keli te edi naiknore ka vido te kmoꞌei kolho te au ka nauthoglu igne.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Eklesiasti 2:17

Eghume, iara tiroguni nakarhagu na. Gobigna lepo fateote'o te loku hetadi iara ka nauthoglu igne hata mei puhi biꞌo ka nakarhagu iara na. Nakarha igne theo nafugna kolho. Khogla jateula mae te ngolho leghu ka nuri na ia eghu kolho.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Eklesiasti 4:6

Nu te keli na, tahati loku kakatha kolho mala hata katha glepo ikoi kolho, salaꞌuni te hata glepo kmana tahati na, na eghunu kmusa kolho tahati jateula mae ihei te ngolho leghu kokho ka nuri na ia eghu kolho.

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Nodi Khoje Hatimare Mae Jiu 73:16

Iara fariuriu gaoghatho tonganadi gaoghatho igre, nu ninhigrana ranghi ghau fara eghu.

Eklesiasti 3:19

Nakarhagna naikno na nei nakarhagna glepo te tautagu na eghu kaisei nanaba ngala. Uve, glepo te tautagu na mala lehe, eghuteuna naikno na mala jaola lehe. Jame te eghuna, naikno na theome tangomana te chekeni ne thofno keli fara ne salaꞌuni glepo te tautagu na teuna, naugna repa mala kafe lehe kolho kate thoke mei nodi narane na. Eghume, nakarhadi phei glepo igre kafe theo nafudi kolho ka gaoghathoda tahati na.

Eklesiasti 8:16

Kate fariuriu mala hata glalase teu iara na, iara ne filodi naiknore ne loku heta, eghuteuna mare ne theome thuru fakeli bongi narane.

Eklesiasti 12:8

Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”