Efesus 6:7 - Buka Blahi Ka Cheke Holo

⁷ Gleale'a ka nomi gloku na, naugna ghotilo theome loku ranghidi naiknore kolho, nu ghotilo loku ranghini noda Lord.

Efesus 6:7 ပူးပေါင်းရင်းမြစ်များ

Kolose 3:23

Ka gloku te gnafa te edi ghotilo igre, ghotilo loku fakeli ka thofno gaoghathomi. Naugna ghotilo theome thofno loku ranghini naikno kolho, nu loku ranghini Kraes noda Lord. Eghume ghotilo kafe laseni Lord ginauna taba ghami ghotilo, eigna ghotilo ginauna hata u karha majaghani teke kulu tarabana mana kligna maladi nogna naiknore.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Fapea Kings 5:13

Aonu nogna mae gloku mana re mei rhegna mana ne cheke eghu, “Mae biꞌo, jame te cheke nigho iagho mae profet te mala eni unha te ninhigrana na, iagho tangomana te eni na. Nu glepo te chekeni mana igne khogla bligi kolho. Naugna unha sagho te theome leghuni unha te chekeni mana igne mala teke keli fapulo thinimu na ia?”

Jenesis 31:6

Ghopa te gnafa na kafe laseni, iara neke loku heta fara ka mae kmami ghopa gne.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!