Efesus 6:6 - Buka Blahi Ka Cheke Holo

⁶ Theome keli te leghudi ghotilo mare kate filo teu kolho mare na, tuana puhi mala famaemahedi kolho mare. Nu te keli na ghotilo thofno leghudi mare ka gaoghathomi fateo mala eni unha te magnahagheni God na, naugna ghotilo thofno nogna mae sneka Kraes.

Efesus 6:6 ပူးပေါင်းရင်းမြစ်များ

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Profet Jeremaea 24:7

Iara ginauna nhaꞌa lao gaoghatho te keli ka mare, mala tangomana mare te lase ghau iara Lord. Eghuteuna mare ginauna nogu naikno iara, eghuteuna iara nodi God mare, naugna mare ginauna nake pulo mei ka iara balu thofno gaoghathodi.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Profet Jeremaea 3:10

Neuba, Juda jaola ne tei koko ghau iara ne tei eni puhi te diꞌa na. Naꞌa theome tughu nagnafa mala ke figri mei ka iara. Naꞌa chaichaghi ghau iara fabrahu kolho.” Igne chekegna Lord.

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Nonomho Te Keli Teke Risoi Mae Mak 3:35

Ihei te eni unha te magnahagheni God na ngala te thofno thabusigu nei greghagu nei idogu teu iara na.”

Ululahu Korin 7:22

Tutuani, mae ihei teke mae sneka kani teke kiloni Lord na, mana gognaro na snagla malagna Lord. Jateula mae teke snagla kolho kani teke kiloni Lord na, mana gognaro na mae sneka malagna Kraes.