Efesus 6:5 - Buka Blahi Ka Cheke Holo

⁵ Ghotilo naikno sneka ra, leghudi nomi funei ka nauthoglu gne balu mhaghu nei ghatho tahu eghu. Eghuteuna gaoghathomi ghotilo re mala au doglo, eigna ghotilo leghudi mare jateula ghotilo te leghuni Kraes.

Efesus 6:5 ပူးပေါင်းရင်းမြစ်များ

Efesus 5:22

Ghotilo gaꞌase tholaghi ra leghudi khetomi are jateula ghotilo te leghuni Lord eghu.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Ululahu Pita 3:2

Nu mare ginauna tangomana te fatutuani ni mae Kraes kate filodi puhimi ghotilo te keli fara re, naugna ghotilo thofno ghatho tahuni God.

Filimon 1:16

Eghuteuna gognaro na mana theome kaisei mae sneka kolho. Theo. Gognaro na mana kaisei mae ke tulao gna mae snekai, nu mana thofno mae thabusida ka khiloau. Iara magnahagheni fara mana nu jau iagho ginauna magnahagheni fara mana ke tulao gu iarai, naugna mana nou mae sneka keli iagho nei mae kheramu kelila ka khiloau gne.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Nodi Khoje Hatimare Mae Jiu 86:11

Lord God, farirhiu mei ghau glepo te magnahaghedi iagho te mala edi iara re, mala leghudi iara thofno chekemu iagho re. Uve, togho ghau iara sagho mala thofno keli tagu iara te mala ghatho tahu nigho na.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Ululahu Korin 7:22

Tutuani, mae ihei teke mae sneka kani teke kiloni Lord na, mana gognaro na snagla malagna Lord. Jateula mae teke snagla kolho kani teke kiloni Lord na, mana gognaro na mae sneka malagna Kraes.

Matiu 8:9

Tutuani fara, iara gne kaisei mae au la mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, ‘Tei sagho,’ mana na tei. Nu te cheke eghu iara ka keha mae ana, ‘Mei sagho agne!’ mana na mei. Nu te cheke eghu iara ka nogu mae gloku na, ‘Eni sagho igne!’ mana na eni tuana.”

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Jenesis 16:9

Aonu engel na ne cheke eghu ka naꞌa, “Iagho ke pulo ka Sarai mala ke leghudi nogna cheke naꞌa re.

Efesus 6:24

Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Fapea Korin 7:15

Nogna namha mae Taetus gognaro na biꞌo fara ranghi ghami naugna mana ghatho fapuloni eigna ghotilo te tarabana mala leghuni mana na. Tutuani, ghotilo tajini nei ghatho tahuni eghu mana balu mhaghu.

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Matiu 6:22

“Tathamu iagho na jateula kaisei juta eghu, naugna iagho tangomana te filoni u naphae na. Nu te keli teu iagho tathamure, iagho ginauna kafe fodu kau naphae.