Efesus 6:18 - Buka Blahi Ka Cheke Holo

¹⁸ Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Efesus 6:18 ပူးပေါင်းရင်းမြစ်များ

Ululahu Tesalonika 5:17

Tarai koba.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Ululahu Timoti 2:1

Glepo ulu lahu te toreni iara ka ghotilo naikno khiloau ra, iara magnahaghei ghami ghotilo te taraidi naikno te gnafa nei cheke fakelini God eidi mare. Eghuteuna toreni God mala toghodi iheire te au kokhonidi.

Letas Teke Rioriso Mae Jud 1:20

Nu ghotilo kheraguro, nomi fatutuani na thono blahi fara. Eghume ghotilo loku heta mala kegra maku ka nomi fatutuani te blahi fara tuana. Eghuteuna tarai ka nogna nolaghi mae Tharunga te Blahi.

Nonomho Te Keli Teke Risoi Mae Mak 14:38

Mana ne cheke eghu ka thilomare, “Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha glepo te doglo na, nu thinimu iagho na nigra fara.”

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Profet Daniel 9:20

Kate tarai na, iara ne cheke thakledi nakhibogu te gnafare, baludi nakhibodi nogu naikno iara Israel. Eghuteuna iara toreni Lord, nogu God mala ke babana fapulo nogna Sugablahi na.

Nodi Khoje Hatimare Mae Jiu 6:9

God na fanomho ka iara kate kiloni iara mana na. Mana ginauna na nomhidiu nogu tharai iara re mala mei togho ghau iara.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Nonomho Te Keli Teke Risoi Mae Mak 13:33

Eghume, fiofilo fakeli ghotilo ia, eghuteuna leuleghu fata na ghotilo tarabana fabrahu naugna ghotilo theome lasedi narane di glepo igre.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Luku 22:46

Aonu mae Jisas mei ne cheke eghu ka mare, “Thuru unha si ghotilo ia? Dofra haghe mala tarai, mala theome khale ghami fariuriu.”

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Fapea Timoti 1:3

Iara cheke fakelini God, eigna iara loku ranghini mana balu gaoghatho te klino ke ulugna God, jateu teke edi mae kuꞌeda tifa ra eghu. Leuleghu fata kate tarai re iara ghatho nigho fabrahu bongi narane.

Filipae 1:4

Eghuteuna leuleghu narane na iara thono gleale'a fara kate ghatho ghami ghotilo ka nogu tarai na.

Ululahu Kings 8:52

“Fanomho mei sagho ka nogu tharai iara gre, eghuteuna iagho jaola fanomho mei ka nodi tharai nou naikno iagho gre.

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Ululahu Kings 8:54

Eghuteuna mana tuturupuku soru ne ngafa haghe khamegna re ne tarai tei ka Lord. Kate gnafa tarai na, King Solomon kegra haghe ke ulugna olta na.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Mae Khuru 12:5

Aonu mare ne famane reireghini mae Pita ka suga sosolo na. Nu ka narane tuare, mae khiloaure ne tarai fabrahu ka God mala toghoni mae Pita.

Profet Hosia 12:4

Kaisei fata, mana neke magra balugna kaisei engel neke nheta uluni engel igne. Mana neke toreni engel igne mala fablahini. Kani au teku mana ka namono Betel, God neke mei cheke ka mana.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Ululahu Kings 8:59

Neubane narane ba bongiro, snakreni noda Lord God mala ghathodi cheke te gnafa te tarai lao iara ka mana ra. Snakreni mana mala keli ranghi ghita nei togho ghita eghu tahati naiknoda Israel leuleghu narane nei unha te nabada.

Filimon 1:5

Naugna iara nomhi nigho koba iagho namhadi fara naikno khiloau re nei fatutuani heta ka noda Lord Jisas.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Thoutonu Eigna Mae Job 27:10

Eghu naugna, mae te diꞌa igne mana theome kelitagna ka God mae ihei te au nolaghi fateote'o igne, eghuteuna mana theome tarai koba ka God.

Nogna Buka Esta 4:8

Eghuteuna mae Modikae ne hata nogna letas mae Haman igne ne tusu lao ka mae Hatak. Letas igne cheke ranghidi naiknore mala falehedi hui hatimare mae Jiu. Mae Modikae ne cheke ka mae Hatak mala toutonu ka Kuin Esta gobigna lepo igre. Eghuteuna mae Modikae jaola ne cheke ka mana mala tei Kuin Esta mala toreni King mala kokhonidi nei toghodi eghu naikno Jiu igre.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Efesus 2:22

Eigna ghotilo kaisei balugna Kraes, ghotilo jaola mala kaisei baludi naikno khiloau aheva te au God mae Tharunga te Blahi.

Luku 3:37

Mae Lamek gne neke thugna mae Metusela. Mae Metusela gne neke thugna mae Inok. Mae Inok gne neke thugna mae Jared. Mae Jared gne neke thugna mae Mahalali. Mae Mahalali gne neke thugna mae Kainan.

Kolose 1:4

Ghehati cheke fakelini God naugna nomhini nomi fatutuani biꞌo ka mae Jisas Kraes nei namhadi nogna naikno God te gnafare.

Galesia 4:6

Eghuteuna te mala laseni tahati te goro thugna God na, mana neke kuru mei Tharunga gna Thugna na mala au ke lamnada. Eghuteuna Tharunga na ne eha eghu, “Mama, Mama.”

Luku 3:26

Mae Nagae gne neke thugna mae Meata. Mae Meata gne neke thugna mae Matatias. Mae Matatias gne neke thugna mae Semei. Mae Semei gne neke thugna mae Josek. Mae Josek gne neke thugna mae Joda.

Kolose 1:3

Ka nomi tharai eimi ghotilo na ghehati cheke fakelini God fabrahu, Kmagna noda Lord Jisas Kraes.

Ululahu Samuel 1:12

Hana tharai heta fabrahu ka Lord, eghuteuna mae Eli ne filo tutu ka phepeo gna naꞌa na.

Matiu 17:21

Nu nafnata naitu igne tangomana te jifla mei kolho kau tarai nei dangna.”