Efesus 6:17 - Buka Blahi Ka Cheke Holo

¹⁷ Eghuteuna ghotilo fahaghe kaisei khepi mala magra, igne puhigna God te mala fakarhi ghami ghotilo na. Ghotilo jaola hata nogna naflahi biꞌo mae Tharunga te Blahi na, igne chekegna God na.

Efesus 6:17 ပူးပေါင်းရင်းမြစ်များ

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Profet Isaia 59:17

Puhigna Lord te doglo igne jateula phoko aean mala magra ra eghu, eghuteuna nogna nolaghi mana te mala fakarha naikno igne, jateula khepi eghu. Eghuteuna gaoghathogna mana te rheta te mala fadoglini puhi te theome doglo igne, jateula kaisei pohe te mala pipichi ra eghu.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Profet Isaia 49:2

Mana neke eni chekegu iara na mala fnonu jateula naflahi mala magra eghu. Mana reireghi ghau iara jateula te pophoru ka khamegna na. Mana tarabana ghau iara jateula iara te kaisei jata te fnonu te tarabana te mala fada ra eghu.

Thakle 2:16

Eghume, ghotilo koko puhimi te diꞌare. Nu jame te eni fabrahu ghotilo nakhibo na, iara ginauna theome raugha ari ka ghotilo mala magridi naiknore ka naflahi te fnonu piepile te jifla mei ka foflogu iara na.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Profet Hosia 6:5

Naugna igne, iara na kurudi nogu mae profet igre mala kulu ari cheke ka ghotilo. Eigna iara ginauna na ari fate falehe ghami, nei goigoni ghami eghu ghotilo. Eghuteuna puhi te fate ghami iara igne ginauna thakle haghe jateula kaisei naphae eghu.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Matiu 4:4

Jisas ne cheke eghu ka mae Satan, “Grioriso te blahi ia cheke eghu, ‘Naikno na theome karha ka gano kolho, nu karha ka cheke te gnafa te jifla mei ka God.’ ”

Matiu 4:7

Mae Jisas ne cheke eghu ka mana, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Ululahu Samuel 17:5

Eghuteuna nogna phoko na neke horo ka bras. Tahugna phoko igne thogra namno salei kilo. Eghuteuna nogna khepi na neke horo ka bras.

Ululahu Samuel 17:58

Mae king Sol ne ghusna eghu ka mana, “Mae majaghani, mae ihei mae kmamu iagho na?” Mae Devet ne cheke eghu ka mana, “Kmagu iara na mae Jesi, maegna ka namono Betlehem, mae kmagu iara igne mana ghatho tahu nigho iagho fara.”

Fapea Samuel 22:36

LORD, iagho lilisei nou greoreo na mala fakarhi ghau iara. Eghuteuna iagho soru mei mala togho ghau iara, Mala fnakno iara ka tathadi naiknore.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Hibru 6:5

Eghuteuna mare la filo glanihi chekegna God te keli fara na, nei mare lasenihi nogna nolaghi te mala funei frunidi gobigna lepo ka nogna nauthoglu majaghani God.