Efesus 6:12 - Buka Blahi Ka Cheke Holo

¹² Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Efesus 6:12 ပူးပေါင်းရင်းမြစ်များ

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Efesus 1:21

Tutuani, Kraes na au kligna mala funei frunidi hatimare mae King te gnafa, nei hatimare mae engel, nei keha nafnata nolaghi fateo langau ka maloa gne. Kraes au nangha te biꞌo tulao ke uludi keha nangha te au nolaghi biꞌo ka nauthoglu igne, ba ka keha narane te mei ginau.

Letas Teke Riso Tei Mae Pol Ka Khiloau Rom 8:38

Uve, iara fatutuani ni fara igne, eigna theome tangomana kaisei glepo te fota ghita ka nogna namha God na. Neuba tahati ne karha ba ne lehe, neuba kaisei engel ba kaisei naitu, neuba glepo te mei gognaro gre ba glepo nate mei ginau,

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Ululahu Korin 15:50

Kheraguro, iara magnahaghei te chekeni ka ghotilo igne, thinigna naikno na theome tangomana te tei thoke kligna na. Uve, thini na theome tangomana te au raugha na naugna glepo mala boto kolho. Eghuteuna glepo te mala boto na theome tangomana te au fodu balugna glepo te theome boto kligna na.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Thoutonu Eigna Mae Job 2:2

Lord ne ghusna eghu ka mana, “Satan, iagho neke mei funu aheva?” Satan ne cheke eghu, “Iara nolo tafri kolho heva heva ka nauthoglu igne.”

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Fapea Timoti 2:5

Jame kaisei mae magnahaghei ulu ka kaisei fangenghele, mana ginauna theome tangomana te hata taba jame te theome leghu fakelini mana u vetula gna fangenghele na.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Hibru 12:4

Kmana naikno te diꞌa fara neke magra ghami ghotilo, nu theo kaisei ka ghotilo te lehe ka puhi igne.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Nonomho Te Keli Teke Risoi Mae Mak 4:19

nu mare ngagudi fara eidi thua nafnata glepo re. Eghuteuna mare magnahaghei fara dedei gna nauthoglu igne nei mamagna di keha glepoi. Eghume farirhiu na theome tangomana te tughu nakarhagna mana na.

Fapea Korin 11:14

Puhi igre theome mala jaglodi tahati. Eigna mae Satan jaola neke fariuriu mala jateu kaisei engel nogna God eghu.