Efesus 6:11 - Buka Blahi Ka Cheke Holo

¹¹ Fahaghe nomi gobigna lepo mala magra teke tusu ari God ka ghotilo are mala nabami te kegra fanogradi nogna saosagro te diꞌa mae Satan.

Efesus 6:11 ပူးပေါင်းရင်းမြစ်များ

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.

Letas Teke Riso Tei Mae Pol Ka Khiloau Rom 13:12

Noda narane tahati ka nauthoglu gne la namo sala'uihi jateula bongi te la namo sala'u ari ia eghu. Eghuteuna narane mala ke pulo meigna mae Jisas na la namohi. Eghume tahati mala lilisei fadelei puhi te diꞌa te edi naiknore nei tarabana fabrahu mala eni kolho glepo te doglo, nabagna nogna naikno mae Jisas Kraes na.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Efesus 6:13

Eghume, gognaro na ghotilo fahaghe gobigna lepo te mala magra teke tusu ari God ka ghotilo ra. Eghuteuna ghotilo ginauna tangomana te fanograni mae naoka igne, neuba mana ne mei ka unha narane te mala eni ranghi ghami ghotilo glepo te diꞌa fara na. Eghuteuna kate magra te gnafa na, ghotilo ginauna kegra heta fabrahu.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Thakle 2:24

Iara theome tusu ranghi ghami kaisei glepo te ninhigrana te mala leghuni ghotilo na. Nu iara magnahaghei te chekeni ka ghotilo khiloau te gnafa ka namono Taetira te theome leghuni farirhiu te diꞌa na, nei tiromi te magnahaghei laseni puhi te kiloni mare, ‘Nogna thofno cheke poru mae Satan.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Korin 10:13

Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Jemes 4:7

Eghume, iara magnahaghei ghami ghotilo te leghuni koba unha te chekeni God na, thosei leghuni unha te chekeni mae Satan na. Aonu, mae Satan ginauna na rikha koko ghami ghotilo.

Jajis 3:2

Mana eni igne, mala farirhiudi naiknodi Israel iheire teke theome magra tifa ra mala laseni magra na.

Nehemaea 4:13

Aonu iara tufa goru nei naflahi nei phaloho eghu ka mae glokure, eghuteuna chekedi naiknore mala au fodu ka vikedi nei kheradi teure. Eghuteuna iara chekedi mare mala tei kegra balu nodi glepo mala magra igre ke leghugna gringni thina te theome gnafa teu igne, mala reireghi fakelini namono igne ka mae naoka.