Efesus 6:10 - Buka Blahi Ka Cheke Holo

¹⁰ Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Efesus 6:10 ပူးပေါင်းရင်းမြစ်များ

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Profet Isaia 40:28

Ba? Ghotilo theome laseniu kolho? Ghotilo theome nomhini kolho? Lord na God mae ihei te au fabrahu funu tifa, eghuteuna mana neke vuavuha gobigna lepo ka nauthoglu igne. Theo kaisei naikno tangomana te thokeni gaoghathogna Lord na. Mana theome tangomana te babaꞌo ba te nigra na.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Fapea Kronikols 15:7

Nu ghotilo mala au heta, eghuteuna gaoghathomi ghotilo re mala thosei glaꞌe soru. Iara ginauna tusu ari glepo te keli ka ghotilo eidi gloku te keli teke edi ghotilo ra.”

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Filipae 4:8

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.

Ululahu Kronikols 28:10

Fanomho fakeli iagho ia, naugna Lord neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”

Ululahu Samuel 23:16

Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.

Profet Sekaraea 8:9

Lord ne cheke eghu, “Naiknodi Israel! Ghotilo iheire te nomhidi cheke teke cheke mae profet ka narane teke eni mare thina famamhaku gna nogu Sugablahi iara Lord mae ihei te au nolaghi fateote'o. Ghotilo mala famamhaku nagnafami re, mala tangomana ghotilo te loku fagnafa suga igne.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Filipae 3:1

Uve kheraguro, igre nogu farirhiu leghu lahu iara ka ghotilo re. Iara magnahaghei ghami ghotilo te mala au gleale'a balugna Lord. Eghume neuba neke riso arihi iara ka ghotilo cheke igre tifeiro, iara keli tagu ngala na teke riso ari ngala cheke igre ka ghotilo. Naugna nogu cheke iara igre ginauna togho ghami fara ghotilo, mala theome tangomana kaisei naikno te roꞌeni nomi fatutuani ghotilo na.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Ululahu Jone 2:14

Iara riso ari ka ghotilo goro sua nalhaꞌu nei goro sua gaꞌase teura, naugna ghotilo lasenihi Mama. Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo heta fara. Eghuteuna chekegna God na au balumi nei ghotilo tapla sorunihi mae Satan.