Efesus 6:1 - Buka Blahi Ka Cheke Holo

¹ Goro sua, igne puhi te keli na, leghudi idomi kmami are. Naugna Lord magnahaghe ghami ghotilo te eni tuana.

Efesus 6:1 ပူးပေါင်းရင်းမြစ်များ

Proveb 23:22

Fanomho ka kmamu mae ihei teke fakarhi nigho na, eghuteuna thosei ghatho ihoni idomu na kate kaekave naꞌa na.

Proveb 6:20

Thuguo, iagho mala nomhidi nodi cheke idomu kmamu are, eghuteuna iagho thosei thododi nodi cheke repa re.

Proveb 1:8

Thuguo, iagho mala fanomho ka nodi cheke idomu kmamu are, eghuteuna thosei thododi nodi farirhiu repa re.

Diutronomi 21:18

Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Ululahu Timoti 5:4

Nu jame kaisei thau te lehe khetogna na au thugna ba gragna, ulu lahu na rehati leghu fakelini puhigna khiloau te doglo na mala toghoni tharaknagna thegna na, naugna God na keli tagna fara ka nafnata puhi igne. Kate eni igne, rehati ginauna foli fapulodi idodi ba kmadi nei kavedi ba ku'edi kani teke majaghanidi teku re.

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Letas Teke Riso Tei Mae Pol Ka Khiloau Rom 7:12

Eghume, u nogna vetula God gne thono blahi fara, eghuteuna cheke te gnafa ka vetula na igre jaola blahi nei doglo nei keli eghu.

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Ululahu Pita 2:13

Te mala keli tagna noda Lord na, ghotilo leghudi mae biꞌo te gnafa te au nodi nolaghi re te mala funei fruni ghami ghotilo na. Leghuni mae king biꞌo gna Rom mae ihei te kligna lahu ka naikno te gnafare.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Proveb 30:11

“Keha maere cheke fadiꞌadi idodi kmadi re.

Jenesis 28:7

Mae Iso jaola ne laseni mae Jekop te nomhidi chekedi idogna kmagna gre te tei Mesopotemia na.

Nodi Khoje Hatimare Mae Jiu 19:8

Tutuani, nogna vetula Lord na thofno doglo fara. Eghuteuna iheire te leghudi nogna farirhiu mana re thofno keli tadi fara. Nogna vetula Lord na thofno tutuani fara, eghuteuna tusu mei gaoghatho te keli ka tahati.

Nogna Buka Esta 2:20

Tifa na, mae Modikae neke cheke ranghini Esta mala thosei cheke thakleni thegna te kaisei thau Jiu na. Aonu Esta gne thofno leghuni koba nogna cheke mae Modikae re funu sua gna. Eghume naꞌa ne leghuni koba chekegna mae Modikae na gognaro na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Letas Teke Riso Tei Mae Pol Ka Khiloau Rom 16:2

Iara tore ghami ghotilo te mala toghoni naꞌa ka puhigna khiloau. Eghuteuna jame te kmo'e naꞌa ka unha glepo na, ghotilo mala toghoni naꞌa, naugna naꞌa la toghodihi kmana naikno nei jaola togho ghau iara.

Nodi Khoje Hatimare Mae Jiu 119:75

Lord, God, iagho fatedi naiknore ka puhi te doglo. Uve, iagho para ghau iara eidi nakhibogu iara re, naugna iagho ne tajini nou nhaꞌa cheke na.

Jenesis 37:13

Mae Jekop ne cheke eghu ka mae Josep, “Hatimare mae thabusimu iagho ra kela teihi Sekem mala ke tei reireghidi keu nogu sipu iara te au teu jare ra. Iara magnahaghei nigho iagho te mala tei filodi mare jare.” Mae Josep ne cheke eghu ka mae kmagna na, “Uve mama, keli fara iara na tei filodi mare jare.”

Profet Jeremaea 35:14

Mae Jonadab thugna mae Rekab igne mana neke cheke faheta ka thugnare mala thosei koꞌu waen. Eghuteuna mare nei iheire te gnafa te karha mei ka vikegna mana igre, mare leghuni kolho nogna cheke mana igne. Mei te posa gognarona vike igne theome koꞌu waen, naugna kuꞌedi mare igne neke cheke faheta ka mare mala thosei eni igne. Nu ghotilo ba? Iara cheke koba ka ghotilo, nu ghotilo theome leghu ghau iara!

Nehemaea 9:13

“Iagho neke soru mei funu kligna ka Thogele Sanai neke cheke ka nou naiknore. Eghuteuna iagho neke tusu ranghidi cheke te doglo, nei Vetula te tutuani, nei famane farirhiu te keli.

Ululahu Samuel 17:20

Aonu hamerane boibongi ka keha narane na, mae Devet ne kuruni kaisei mae mala tei reireghi sipu. Aonu mana leghuni unha te chekeni mae kmagna na igne ne atha gano igre jifla ne tei. Mana ne tei posa ka vido aheva te tarabana mala magra teu te eha fabiꞌo teu mae soldiare.

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Thoutonu Eigna Rut 3:5

Rut ne cheke eghu, “Keli fara, iara na leghudi unha te chekedi iagho igre.”

Profet Jeremaea 35:8

Ghehati leghudi kolho nogna cheke mae Jonadab thugna mae Rekab te rheta fara igre. Ghehati nei khetomi nei thumi nalhaꞌu nei thumi gaꞌase teu igre, ghehati theome lase koꞌu waen.

Profet Jeremaea 35:18

Aonu mae Jeremaea ne cheke eghu ka vikegna mae Rekab, “Lord mae ihei te au nolaghi fateote'o, nodi God maedi Israel igne ne cheke eghu ka ghotilo: ‘Ghotilo leghudi nogna cheke kuꞌemi mae Jonadab tifa ra, eghuteuna ghotilo leghudi gobigna lepo te chekedi mana ka ghotilore.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.

Jenesis 50:12

Aonu thugna mae Jekop igre ne leghuni unha teke chekeni mana ka mare na.