Efesus 5:8 - Buka Blahi Ka Cheke Holo

⁸ Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Efesus 5:8 ပူးပေါင်းရင်းမြစ်များ

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Jone 12:46

Iara mei jateula juta eghu mala faphaedi naikno te au ka nauthoglu igne. Eghuteuna iheire te fatutuani ghau iara re mare ginauna theome tei tafri ke lamna gromno.

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Jone 12:36

Eghume, fatutuani ni si ghotilo naphae gne kani au ngau naphae gne balumi ghotilo, mala nogna naikno naphae ghotilo.” Ke leghugna te chekedi mana glepo igre mana jifla ne porudi mare.

Profet Isaia 9:2

Naikno teke tei kate romno tifa ra ginau filoni kaisei juta biꞌo. Tifa na ghehati neke au ka vido te romno fara, nu gognarona juta igne phae mei ka ghehati iheire te au ka vido te romno.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Profet Isaia 2:5

Ghotilo vikegna mae Jekop ra, mei mala leghuni tahati Lord mae ihei teke falalase ranghi ghita nabrou karha na.

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Fapea Korin 6:14

Ghotilo nhogri ka iheire te theome fatutuani, eghume thosei fariuriu loku baludi. Eigna unha te keli na theome tangomana te loku fodu ka unha te diꞌa na. Eghuteuna u naphae na theome tangomana te au fodu ka gromno na.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Letas Teke Riso Tei Mae Pol Ka Khiloau Rom 2:19

Ghotilo thofno laseni igne, eigna ghotilo tangomana te falalase ka naiknore u nabrou te mala tei thoke ka God na, jateula mae ihei te batuni naikno te dofu eghu. Eghuteuna ghotilo mala jateu kaisei juta eghu ka iheire te au teu kate romno.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Profet Isaia 49:9

Iara ginauna cheke eghu ka iheire te au ka suga sosolo, ‘Jifla mei ka suga sosolo.’ Eghuteuna iara ginauna cheke eghu ka naikno te au teu kate romno, ‘Ghotilo jifla mei kate phae.’ “Aonu mare ginauna au fakeli jateula sipu te ghamu buburu leghu nabrou nei ke kligna thogele.

Galesia 5:25

Tharunga te Blahi na tusu mei karha ka tahati. Eghume tahati mala jaola leghuni nogna puhi mae Tharunga te Blahi na.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Nodi Khoje Hatimare Mae Jiu 74:20

Thosei ghatho ihoni u nhaꞌa cheke teke eni iagho ka ghehati ia, naugna gognaro na kmana naikno te diꞌa poru tafriu ka vido te romno gre.

Profet Isaia 50:10

Ghotilo te gnafa igre ghatho tahuni Lord nei leghudi nogna cheke nogna mae gloku Lord ra, neuba ghotilo ne au ka narane te ninhigrana, ghotilo mala fatutuani ni mana, nanghagna na Lord. Uve, ghotilo mala rouronu ka mana.

Matiu 3:8

Koko si ghotilo puhimi te diꞌare mala jateula sisi te keli eghu nakarhami re fagaglana gna nakarha majaghani na.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Letas Teke Riso Tei Mae Pol Ka Khiloau Rom 13:12

Noda narane tahati ka nauthoglu gne la namo sala'uihi jateula bongi te la namo sala'u ari ia eghu. Eghuteuna narane mala ke pulo meigna mae Jisas na la namohi. Eghume tahati mala lilisei fadelei puhi te diꞌa te edi naiknore nei tarabana fabrahu mala eni kolho glepo te doglo, nabagna nogna naikno mae Jisas Kraes na.

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.