Efesus 5:29 - Buka Blahi Ka Cheke Holo

²⁹ Tutuani, theo kaisei mae te magnahaghei fadiꞌani thinigna thegna na. Theo. Tahati ima fakeli nei taji fakelini eghu thinida na jateula Kraes te taji fakelini khiloau.

Efesus 5:29 ပူးပေါင်းရင်းမြစ်များ

Efesus 5:31

Naugna igne u grioriso te blahi na cheke eghu, “Mae nalhaꞌu na ginau jifla kokodi idogna kmagnare mala au fodu ka khetogna na, eghuteuna repa ginauna kaisei ngala.”

Eklesiasti 4:5

Naikno te fameomekro na tirogna loku, aonu naikno tuana ginauna goigonini kolho nakarhagna thegna na.

Proveb 11:17

Te kokhoni ni iagho keha naikno na, naikno igne ginauna kokhoni nighola iagho. Nu te goigonini iagho keha naikno na, naikno igne ginauna jaola goigoni nigho iagho.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.

Profet Esikiel 34:27

Gaju re ginauna ure kmana sisi, eghuteuna nagare na ginauna au kmana gano tagna. Eghuteuna mare te gnafa na ginauna tangomana te au fakeli ka nodi glose na. Iara ginauna kusu chen teke harudi kate loku mare jateula naikno sneka teku igre mala snagla ke tei nodi mare. Naudi glepo igre, mare ginauna lase fakeli ghau iara Lord.

Jenesis 2:23

Mae Adam filoni gaꞌase igne ne cheke eghu, “Uve, igne ngala thofno kheragu tutuani iara na. Gaogarogna na neke mei ka gaogarogu iara nei nafnahi gna na neke mei ka nafnahigu iara. Iara ginauna na kiloni naꞌa ‘Gaꞌase’ naugna God neke vuavuhani naꞌa ka gaogarogu iara.” Mae Adam neke chekeni igne naugna ka cheke Hibru na, nanghagna “gaꞌase” na “isha,” eghuteuna nanghagna “nalhaꞌu” na “ish.”

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Efesus 5:28

Ghotilo mae nalhaꞌu ra mala namhadi khetomi are jateula ghotilo te namhadi fara thinimi themi are eghu. Kate namhani mana khetogna na, mana namhani thegna.

Efesus 5:30

Naugna tahati ka khiloau na jateula vido thinigna mana eghu.