Efesus 5:26 - Buka Blahi Ka Cheke Holo

²⁶ Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Efesus 5:26 ပူးပေါင်းရင်းမြစ်များ

Jone 15:3

Ghotilo la gaehi kau farirhiu te chekedi iara ka ghotilo igre.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Efesus 6:17

Eghuteuna ghotilo fahaghe kaisei khepi mala magra, igne puhigna God te mala fakarhi ghami ghotilo na. Ghotilo jaola hata nogna naflahi biꞌo mae Tharunga te Blahi na, igne chekegna God na.

Ululahu Jone 5:6

Igne mae Jisas Kraes, mae ihei te mei balu khoꞌu apublahi nei dadara glehe. Theome khoꞌu kolho, nu khoꞌu balu dadara. Eghuteuna mae Tharunga te Blahi na thofno tutuani fara. Te chekeni mae Tharunga te Blahi na igne te thofno tutuani fara mae Jisas neke meihi ka puhi igne.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Jone 17:7

Eghuteuna gognarona mare la lasedihi gobigna lepo teke tusu mei iagho ka iara ra, neke mei funudi ka iagho.

Profet Esikiel 16:9

“ ‘Iara hata khoꞌu neke tihi koko dadara teke au ka thinimu iagho kani teke karha mei muna, eghuteuna neke hata oliv oel neke ghiha ka thinimu iagho na.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Jone 15:8

Kate ure sisi kmana ka ghotilo na, ghotilo falalase ghami themi te nogu mae fanomho tutuani iara na. Eghuteuna naiknore ginauna filoni ka ghotilo nogna nolaghi biꞌo mae Mama na.

Levitikas 8:6

Aonu mae Moses atha meini mae Eron baludi thugna re ke ulu, eghuteuna mana ne faꞌapudi mare mala klino mare ka tathagna Lord.

Levitikas 16:30

Ka narane igne, pris biꞌo ginauna mala edi gobigna lepo teke chekedi iara te mala hata fadelei nakhibomi ghotilore mala ke klino ghotilo ka tathagu iara na.

Jone 13:10

Mae Jisas ne cheke eghu ka mana, “Mae ihei tela kulu apu tela gaehi na mana theome tangomana teke apu thinigna tongana na. Khogla ghahegnare kolho nate titihi na. Aonu, iara na titihi ghahemu iagho gre kolho, naugna ghotilo nogu mae fanomho iara gre la kafe gaehi. Nu te chekeni iara na, ghotilo theome kafe gae.”

Letas Teke Riso Tei Mae Pol Ka Khiloau Rom 10:8

Igne unha te chekeni ka grioriso te blahi na, “Chekegna God na la ari posahi ka iagho. Cheke igne la auhi ka foflomu iagho na nei la auhi ka nagnafamu iagho na.” Igne u farirhiu eigna u fatutuani te mala toutonuni koba tahati na.

Fapea Korin 11:2

Uve, iara reireghi ghami ghotilo fara jateula God jaola te reireghi ghami ghotilo, naugna iara la nhaꞌa chekehi te mala snakre lao ghami ghotilo ka Kraes na. Ghotilo mala jateula khupi eghu ka narane tholaghi na, eghuteuna Kraes ngala khetomi ghotilo na.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Hibru 10:14

Kate fafarani thegna kaisei fata ngala, mae Kraes ne fablahidi naikno teke fagagae thegna igre mala klino fabrahu tifa tifa.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Hibru 13:12

Mae Jisas jaola neke au papara nei lehe ke kosi namono Jerusalem. Mana neke lehe mala blahi nogna naiknore ka dadaragna thegna.

Fapea Pita 1:9

Nu ihei te theome au puhi igre ka nakarhagna na, mana jateula kaisei mae te dofu te theome fifilo fakeli ia eghu. Mana ghatho ihonihi God mae ihei teke hata fadelei nakhibo teke edi mana ulu lahu ra.

Levitikas 14:11

Eghuteuna pris ginauna mala atha mei mae igne balu nogna fafara, eghuteuna phia mare mala mei ke ulugu iara Lord ka grengatha gna Suga Tapuale te Blahi na.