Efesus 5:25 - Buka Blahi Ka Cheke Holo

²⁵ Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Efesus 5:25 ပူးပေါင်းရင်းမြစ်များ

Ululahu Pita 3:7

Eimi ghotilo mae te tolaghi ra, ghatho tahudi khetomire, naugna rehati theome heta jateula ghotilo eghu. Ghotilo ghatho tahudi reꞌe, naugna God neke tusu ranghidi la reꞌe nogna nhaꞌa cheke na, eigna ka nogna namha biꞌo mana na ginauna tusu ari u thofno nakarha te theo ka huigna ka ghotilo hui. Eghume te keli na ghotilo eni igne mala theome tangomana kaisei glepo te faroredi nomi tharai ghotilo re.

Kolose 3:19

Ghotilo mae nalha'ura, famane namhadi khetomire, thosei cheke fabiꞌodi.

Efesus 5:28

Ghotilo mae nalhaꞌu ra mala namhadi khetomi are jateula ghotilo te namhadi fara thinimi themi are eghu. Kate namhani mana khetogna na, mana namhani thegna.

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Efesus 5:33

Nu cheke tuana jaola eimi ghotilo. Eghume, ghotilo mae tholaghi te gnafa ra namhadi khetomi are jateula ghotilo te namha ghami themi are eghu, eghuteuna ghotilo gaꞌase tholaghi ra jaola ghatho tahudi khetomi are.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Fapea Samuel 12:3

Nu mae te kuma igne, mana au kaisei nogna sua sipu gaꞌasegna kolho. Mana foli sipu igne ne tathaji fakeli. Eghuteuna sipu igne au ka nogna suga na ne ghilei biꞌo haghe baludi thugnare. Leuleghu fata na mana tufa ghegna ganore ka sipu igne, eghuteuna sipu igne koꞌu ka nogna kapu mana na. Eghuteuna mae te kuma igne bebeꞌe koba sua sipu igne jateula kaisei thugna gaꞌase eghu.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Efesus 5:24

Eghuteuna ka puhi khiloau te leghuni Kraes igne, gaꞌase tholaghire mala jaola leghudi fabrahu khetodire.

Famane Khoje 1:11

Iara ginauna ei dedenge ka gol malamu iagho nei khekeve silva.