Efesus 5:20 - Buka Blahi Ka Cheke Holo

²⁰ Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Efesus 5:20 ပူးပေါင်းရင်းမြစ်များ

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Ululahu Tesalonika 5:18

Cheke fakeli eidi gobigna lepo fateo, neubane unha te keli ba diꞌa. Tuana unha God te magnahagheni ka ghotilo naikno khiloau ra.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Nodi Khoje Hatimare Mae Jiu 34:1

Iara ginauna na cheke fakelini Lord fabrahu.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Profet Isaia 63:7

Iara ginauna toutonuni puhigna Lord te ghatho tahu ghita fabrahu nogna naiknore. Iara ginauna cheke fakelini mana eidi glepo te keli teke edi mana ra. Mana fakakhana te kokhoni ghita tahati naiknoda Israel, mana jaola fakakhana nogna namha te theo ka huigna.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Ululahu Korin 1:4

Iara cheke fakelini God leuleghu fata naugna mana neke tusu ari ka ghotilo nogna khokofakasai na mala kaisei ghotilo balugna Jisas Kraes.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Filipae 1:3

Iara cheke fakelini God koba kate ghatho ghami ghotilo na.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Ululahu Tesalonika 3:9

Tutuani fara, ghehati tangomana te cheke fakelini God eimi ghotilo. Nu nomi kilo fnakno ghehati na theome nabagna u gleale'a biꞌo ke ulugna noda God eimi ghotilo!

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Ululahu Korin 15:24

Aonu kate thoke mei narane leghu lahu na, Kraes ginauna magra mala tapla soruni mae Satan nei naitu te gnafa ka nauthoglu igne, eghuteuna mana ginauna snakreni God Kmagna mala King.